Read La Sankta Biblio, sen Ĉapelo esparanto Psalmo 33 Bible Online

Psalmo 33 - La Sankta Biblio, sen Ĉapelo esparanto bible

Psalmo 33

¹Gxoje kantu, ho piuloj, antaux la Eternulo; Al la justuloj konvenas glorado.

²Gloru la Eternulon per harpo, Per dekkorda psaltero ludu al Li.

³Kantu al Li novan kanton, Bone ludu al Li kun trumpetado.

⁴Cxar gxusta estas la vorto de la Eternulo, Kaj cxiu Lia faro estas fidinda.

⁵Li amas justecon kaj jugxon; La tero estas plena de la boneco de la Eternulo.

⁶Per la vorto de la Eternulo estigxis la cxielo; Kaj per la spiro de Lia busxo estigxis gxia tuta ekzistantaro.

⁷Li kolektis kiel en tenujon la akvon de la maro, Li metis la abismojn en konservejojn.

⁸Timu la Eternulon la tuta tero; Tremu antaux Li cxiuj logxantoj de la mondo.

⁹Cxar Li diris, kaj tio farigxis; Li ordonis, kaj tio aperis.

¹⁰La Eternulo neniigas la interkonsenton de la popoloj, Li detruas la intencojn de la nacioj.

¹¹La decido de la Eternulo restas eterne, La pensoj de Lia koro restas de generacio al generacio.

¹²Felica estas la popolo, kies Dio estas la Eternulo; La gento, kiun Li elektis al Si kiel heredon.

¹³El la cxielo la Eternulo rigardas, Li vidas cxiujn homidojn.

¹⁴De la trono, sur kiu Li sidas, Li rigardas cxiujn, kiuj logxas sur la tero,

¹⁵Li, kiu kreis la korojn de ili cxiuj, Kiu rimarkas cxiujn iliajn farojn.

¹⁶La regxon ne helpos granda armeo, Fortulon ne savos granda forto.

¹⁷Vana estas la cxevalo por helpo, Kaj per sia granda forto gxi ne savos.

¹⁸Jen la okulo de la Eternulo estas sur tiuj, kiuj Lin timas, Kiuj esperas Lian favoron,

¹⁹Ke Li savu de morto ilian animon Kaj nutru ilin en tempo de malsato.

²⁰Nia animo fidas la Eternulon; Li estas nia helpo kaj nia sxildo.

²¹Cxar pro Li gxojas nia koro, Cxar ni fidas Lian sanktan nomon.

²²Via favoro, ho Eternulo, estu super ni, Kiel ni esperas al Vi.