Read La Sankta Biblio, sen Ĉapelo esparanto Psalmo 34 Bible Online

Psalmo 34 - La Sankta Biblio, sen Ĉapelo esparanto bible

Psalmo 34

¹De David, kiam li sxajnigis sin freneza antaux Abimelehx, kaj tiu lin forpelis kaj li foriris. Mi gloros la Eternulon en cxiu tempo; Cxiam lauxdo por Li estos en mia busxo.

²Per la Eternulo glorigxas mia animo; La humiluloj auxdu kaj gxoju.

³Gloru la Eternulon kun mi, Kaj ni altigu kune Lian nomon.

⁴Mi sercxis la Eternulon, kaj Li respondis al mi, Kaj de cxiuj miaj dangxeroj Li savis min.

⁵Kiuj rigardas al Li, ricevas lumon, Kaj ilia vizagxo ne kovrigxos per honto.

⁶Jen cxi tiu mizerulo vokis, kaj la Eternulo auxdis, Kaj de cxiuj liaj mizeroj Li savis lin.

⁷Angxelo de la Eternulo postenas cxirkaux tiuj, kiuj Lin timas, Kaj Li ilin savas.

⁸Provu kaj vidu, kiel bona estas la Eternulo; Felicxa estas la homo, kiu Lin fidas.

⁹Timu la Eternulon, Liaj sanktuloj; Cxar nenio mankas al tiuj, kiuj Lin timas.

¹⁰Leonidoj estas senhavaj kaj malsataj; Sed kiuj sercxas la Eternulon, tiuj havas mankon en nenia bono.

¹¹Venu, infanoj, auxskultu min; Pri timo antaux la Eternulo mi vin instruos.

¹²Kiu ajn vi estas, homo, Kiu deziras vivon kaj amas multajn kaj bonajn tagojn:

¹³Gardu vian langon kontraux malbono, Kaj vian busxon kontraux mensoga parolo;

¹⁴Deklinigxu de malbono kaj faru bonon, Sercxu pacon kaj cxasu gxin.

¹⁵La okuloj de la Eternulo estas turnitaj al la piuloj, Kaj Liaj oreloj al iliaj krioj.

¹⁶La vizagxo de la Eternulo estas kontraux tiuj, kiuj faras malbonon, Por ekstermi de la tero la memoron pri ili.

¹⁷Oni krias, kaj la Eternulo auxdas, Kaj de cxiuj iliaj mizeroj Li ilin savas.

¹⁸Proksima estas la Eternulo al tiuj, kies koro estas rompita, Kaj la spirite suferantajn Li helpas.

¹⁹Multaj estas la suferoj de piulo; Sed de cxiuj la Eternulo lin savas.

²⁰Li gardas cxiujn liajn ostojn; Ecx unu el ili ne rompigxos.

²¹La malbonulon mortigos la malbono; Kaj la malamantoj de piulo pereos.

²²La Eternulo liberigas la animon de Siaj sklavoj; Kaj ne pereos cxiuj, kiuj Lin fidas.