Read La Sankta Biblio, sen Ĉapelo esparanto Psalmo 36 Bible Online

Psalmo 36 - La Sankta Biblio, sen Ĉapelo esparanto bible

Psalmo 36

¹Al la hxorestro. De David, sklavo de la Eternulo. La pekado de malpiulo parolas al lia koro; Antaux liaj okuloj ne ekzistas timo antaux Dio.

²Cxar gxi flatas al li en liaj okuloj, Gxis lia pekado eltrovigxos kaj li malamigxos.

³La paroloj de lia busxo estas krimo kaj malvero; Li ne volas kompreni, por fari bonon.

⁴Krimon li pripensas sur sia kusxejo; Li staras sur vojo ne bona; Malbonon li ne abomenas.

⁵Ho Eternulo, gxis la cxielo atingas Via boneco, Via vereco gxis la nuboj.

⁶Via justeco estas kiel la montoj de Dio, Viaj jugxoj estas granda abismo; Homon kaj bruton Vi helpas, ho Eternulo.

⁷Kiel grandvalora estas Via favoro, ho Dio! Kaj la homidoj ricevas rifugxon en la ombro de Viaj flugiloj.

⁸Ili satigxas per la ricxa havo de Via domo, Kaj el la rivero de Viaj bonajxoj Vi ilin trinkigas.

⁹Cxar cxe Vi estas la fonto de vivo, Kaj en Via lumo ni vidas lumon.

¹⁰Venigu Vian favoron sur tiujn, kiuj Vin konas, Kaj Vian bonecon sur la honestulojn.

¹¹Ne pasxu sur min piedo de fiereco, Kaj mano de malpiuloj ne renversu min.

¹²Tie falu la farantoj de malbono; Ili estu renversitaj kaj ne povu sin levi.