Read La Sankta Biblio, sen Ĉapelo esparanto Psalmo 42 Bible Online

Psalmo 42 - La Sankta Biblio, sen Ĉapelo esparanto bible

Psalmo 42

¹Al la hxorestro. Instruo de la Korahxidoj. Kiel cervo sopiras al fluanta akvo, Tiel mia animo sopiras al Vi, ho Dio.

²Mia animo soifas Dion, la vivantan Dion; Kiam mi venos kaj aperos antaux la vizagxo de Dio?

³Miaj larmoj farigxis mia pano tage kaj nokte, Cxar oni diras al mi cxiutage: Kie estas via Dio?

⁴Elversxigxas mia animo, kiam mi rememoras, Kiel mi iradis kun la granda homamaso, kaj kondukis gxin en la domon de Dio, Cxe lauxta kantado kaj glorado de festanta amaso.

⁵Kial vi malgxojas, ho mia animo? Kaj kial vi konsternigxas en mi? Esperu al Dio; Cxar ankoraux mi dankos Lin, La savanton de mia vizagxo kaj mian Dion.

⁶Malgxojas en mi mia animo; Tial mi rememoras pri Vi en la lando de Jordan kaj Hxermon, Sur la monto Micar.

⁷Abismo resonas al abismo per la bruo de Viaj falakvoj; Cxiuj Viaj akvoj kaj ondoj pasis super mi.

⁸En la tago la Eternulo aperigas al mi Sian bonecon, Kaj en la nokto mi havas kanton al Li, Pregxon al la Dio de mia vivo.

⁹Mi diras al Dio, mia Roko: Kial Vi min forgesis? Kial mi iradas malgaja pro la premado de la malamiko?

¹⁰Kvazaux dispremante miajn ostojn, mokas min miaj malamikoj, Dirante al mi cxiutage: Kie estas via Dio?

¹¹Kial vi malgxojas, ho mia animo? Kaj kial vi konsternigxas en mi? Esperu al Dio; Cxar ankoraux mi dankos Lin, La savanton de mia vizagxo kaj mian Dion.