Read La Sankta Biblio, sen Ĉapelo esparanto Psalmo 44 Bible Online

Psalmo 44 - La Sankta Biblio, sen Ĉapelo esparanto bible

Psalmo 44

¹Al la hxorestro. Instruo de la Korahxidoj. Ho Dio, per niaj oreloj ni auxdis, niaj patroj rakontis al ni, Kion Vi faris en iliaj tagoj, en tempo antikva.

²Vi per Via mano forpelis popolojn, kaj ilin Vi enlogxigis; Popolojn Vi pereigis, kaj ilin Vi vastigis.

³Cxar ne per sia glavo ili akiris la teron, Kaj ne ilia brako helpis ilin; Sed nur Via dekstra mano kaj Via brako kaj la lumo de Via vizagxo, Cxar Vi ilin favoris.

⁴Vi estas mia Regxo, ho Dio; Disponu helpon al Jakob.

⁵Per Vi ni disbatos niajn malamikojn; Per Via nomo ni piedpremos niajn kontrauxbatalantojn.

⁶Cxar ne mian pafarkon mi fidas, Mia glavo min ne helpos.

⁷Sed Vi helpas nin kontraux niaj malamikoj, Kaj niajn malamantojn Vi kovras per honto.

⁸Dion ni gloros cxiutage, Kaj Vian nomon ni dankos eterne. Sela.

⁹Tamen Vi nin forlasis kaj hontigis, Kaj Vi ne eliras kun nia militistaro.

¹⁰Vi devigas nin forkuri de nia malamiko, Ke niaj malamantoj nin prirabu;

¹¹Vi fordonas nin por formangxo, kiel sxafojn, Kaj inter la popolojn Vi disjxetis nin;

¹²Vi vendis Vian popolon por nenio, Kaj prenis por ili nenian prezon;

¹³Vi faris nin malestimatajxo por niaj najbaroj, Mokatajxo kaj insultatajxo por niaj cxirkauxantoj;

¹⁴Vi faris nin instrua ekzemplo por la popoloj, Ke la nacioj balancas pri ni la kapon.

¹⁵Cxiutage mia malhonoro estas antaux mi, Kaj honto kovras mian vizagxon,

¹⁶Pro la vocxo de mokanto kaj insultanto, Antaux la vizagxo de malamiko kaj vengxanto.

¹⁷Cxio tio trafis nin, sed ni Vin ne forgesis, Kaj ni ne perfidigxis al Via interligo.

¹⁸Ne retirigxis nia koro, Kaj niaj pasxoj ne deflankigxis de Via vojo.

¹⁹Kiam Vi batis nin sur loko de sxakaloj Kaj kovris nin per ombro de morto,

²⁰Tiam se ni forgesus la nomon de nia Dio Kaj ni etendus niajn manojn al fremda dio:

²¹Cxu Dio tion ne trovus? Li ja scias la sekretojn de la koro.

²²Pro Vi ni ja estas mortigataj cxiutage; Oni rigardas nin kiel sxafojn por bucxo.

²³Levigxu, kial Vi dormas, mia Sinjoro? Vekigxu, ne forpusxu por cxiam.

²⁴Kial Vi kasxas Vian vizagxon, Forgesas nian mizeron kaj nian suferon?

²⁵Nia animo estas ja jxetita en la polvon; Nia korpo klinigxis al la tero.

²⁶Levigxu; helpu kaj savu nin pro Via boneco.