Read La Sankta Biblio, sen Ĉapelo esparanto Psalmo 48 Bible Online

Psalmo 48 - La Sankta Biblio, sen Ĉapelo esparanto bible

Psalmo 48

¹Kanto-psalmo de la Korahxidoj. Granda estas la Eternulo, Kaj tre glora en la urbo de nia Dio, Sur Lia sankta monto.

²Bela altajxo, gxojiga por la tuta tero Estas la monto Cion, en la norda regiono, La urbo de la granda Regxo.

³Dio estas konata en gxiaj palacoj, kiel rifugxejo.

⁴Jen kolektigxis la regxoj, Sed cxiuj kune foriris.

⁵Ili vidis kaj ekmiris, Konfuzigxis kaj forkuris.

⁶Teruro ilin atakis, Tremo, kiel cxe akusxantino.

⁷Per orienta vento Vi ruinigis la sxipojn de Tarsxisx.

⁸Kion ni auxdis, tion ni vidis En la urbo de la Eternulo Cebaot, en la urbo de nia Dio; Dio fortikigu gxin por cxiam! Sela.

⁹Ni meditis, ho Dio, pri Via boneco, Interne de Via templo.

¹⁰Kiel Via nomo, ho Dio, Tiel Via gloro estas en la finoj de la tero; Plena de justeco estas Via dekstra mano.

¹¹Gxoju la monto Cion, Gxoju la filinoj de Jehuda, Pro Via jugxoj.

¹²Iru cxirkaux Cion kaj cxirkauxrigardu gxin, Kalkulu gxiajn turojn.

¹³Atentu gxiajn fortikajxojn, Vizitu gxiajn palacojn, Por ke vi rakontu al estonta generacio.

¹⁴Cxar jen estas Dio, nia Dio, por cxiam kaj eterne; Li estos nia kondukanto gxis la morto.