Read La Sankta Biblio, sen Ĉapelo esparanto Psalmo 50 Bible Online

Psalmo 50 - La Sankta Biblio, sen Ĉapelo esparanto bible

Psalmo 50

¹Psalmo de Asaf. Dio de la dioj, la Eternulo, ekparolis, Kaj vokis la teron de la sunlevigxo gxis la sunsubiro.

²El Cion, la perfektajxo de beleco, Dio ekbrilis.

³Nia Dio venas kaj ne silentas; Fajro ekstermanta estas antaux Li, Cxirkaux Li estas granda ventego.

⁴Li vokas la cxielon supre kaj la teron, Por jugxi Sian popolon:

⁵Kolektu al Mi Miajn fidelulojn, Kiuj faris kun Mi interligon cxe oferdono.

⁶Kaj la cxielo proklamis Lian justecon, Cxar Dio estas tiu jugxanto. Sela.

⁷Auxskultu, ho Mia popolo, kaj Mi parolos; Ho Izrael, Mi atestos pri vi; Mi estas Dio, via Dio.

⁸Ne pro viaj oferdonoj Mi vin riprocxos, Cxar viaj bruloferoj estas cxiam antaux Mi.

⁹Mi ne prenos el via domo bovidon, Nek el viaj kortoj kaprojn:

¹⁰Cxar al Mi apartenas cxiuj bestoj en la arbaroj, Miloj da brutoj sur la montoj;

¹¹Mi konas cxiujn birdojn sur la montoj, Kaj cxiuj bestoj de la kampoj estas antaux Mi.

¹²Se Mi farigxus malsata, Mi ne dirus al vi, Cxar al Mi apartenas la mondo, kaj cxio, kio gxin plenigas.

¹³Cxu Mi mangxas viandon de bovoj, Kaj cxu Mi trinkas sangon de kaproj?

¹⁴Oferdonu al Dio dankon, Kaj plenumu antaux la Plejaltulo viajn promesojn.

¹⁵Voku Min en la tago de mizero; Mi vin liberigos, kaj vi Min gloros.

¹⁶Sed al la malpiulo Dio diris: Por kio vi parolas pri Miaj legxoj Kaj portas Mian interligon en via busxo,

¹⁷Dum vi malamas moralinstruon Kaj jxetas Miajn vortojn malantauxen de vi?

¹⁸Kiam vi vidas sxteliston, vi aligxas al li, Kaj kun adultuloj vi estas partoprenanto;

¹⁹Vian busxon vi uzas por malbono, Kaj via lango plektas falsajxon;

²⁰Vi sidas kaj parolas kontraux via frato, Pri la filo de via patrino vi kalumnias.

²¹Tion vi faris, kaj Mi silentis; Kaj vi pensis, ke Mi estas tia, kiel vi. Mi punos vin, kaj Mi metos cxion antaux viajn okulojn.

²²Komprenu cxi tion, vi, kiuj forgesas Dion; Alie Mi dissxiros, kaj neniu savos.

²³Kiu oferdonas dankon, tiu Min honoras; Kaj kiu estas singarda en la vojo, Al tiu Mi aperigos Dian helpon.