Read La Sankta Biblio, sen Ĉapelo esparanto Psalmo 55 Bible Online

Psalmo 55 - La Sankta Biblio, sen Ĉapelo esparanto bible

Psalmo 55

¹Al la hxorestro. Por kordaj instrumentoj. Instruo de David. Auxskultu, ho Dio, mian pregxon, Kaj ne kasxu Vin de mia petego.

²Atentu min, kaj respondu al mi; Mi gxemas en mia malgxojo, kaj mi ploregas,

³Pro la kriado de la malamiko, Pro la premado de la malbonulo, Cxar ili preparas kontraux mi malicon Kaj kolere min malamas.

⁴Mia koro tremas en mi; Kaj teruroj de morto min atakis;

⁵Timo kaj tremo venis sur min, Kaj konsternego min kovris.

⁶Kaj mi diris: Ho, se mi havus flugilojn kiel kolombo! Mi forflugus kaj mi ie eklogxus;

⁷Malproksimen mi forigxus, Mi eklogxus en dezerto. Sela.

⁸Mi rapidus al rifugxejo For de ventego kaj fulmotondro.

⁹Pereigu, ho mia Sinjoro, disigu ilian langon; Cxar mi vidas rabadon kaj malpacon en la urbo.

¹⁰Tage kaj nokte ili cxirkauxas gxiajn murojn; Kaj malbonfaroj estas interne de gxi;

¹¹Pereigemo estas interne de gxi, Kaj trompo kaj falso ne forlasas gxian straton.

¹²Ne malamiko min ja insultas-mi tion tolerus; Ne mia malamanto tenas sin grande kontraux mi-mi kasxus min de li;

¹³Sed vi, kiu estas tia sama homo, kiel mi, Mia amiko, mia kamarado,

¹⁴Vi, kun kiu ni kune intime paroladis, Iradis en la domon de Dio en la homamaso.

¹⁵La morto ilin kaptu, Ili iru vivaj en Sxeolon; Cxar malbonagado estas en iliaj logxejoj, en ilia mezo.

¹⁶Mi vokas al Dio, Kaj la Eternulo min savos.

¹⁷Vespere kaj matene kaj tagmeze mi plendas kaj gxemas; Kaj Li auxskultas mian vocxon.

¹⁸Li liberigis pace mian animon de atako kontraux mi, Kiam ili grandanombre estis kontraux mi.

¹⁹Dio auxskultos, kaj Li humiligos ilin, La vivanto de eterne; Sela. Cxar ili ne sxangxigxas Kaj ili ne timas Dion.

²⁰Li metis sian manon sur siajn amikojn, Li rompis sian interligon;

²¹Pli glata ol butero estas lia busxo, Sed milito estas en lia koro; Liaj vortoj estas pli delikataj ol oleo, Sed ili estas nudigitaj glavoj.

²²Metu vian sxargxon sur la Eternulon, Kaj Li vin subtenos; Neniam Li lasos fali piulon.

²³Vi, ho Dio, malsuprenigos ilin en la foson de pereo; La homoj de sango kaj falso ne atingos la duonon de siaj tagoj; Sed mi fidas Vin.