Read La Sankta Biblio, sen Ĉapelo esparanto Psalmo 56 Bible Online

Psalmo 56 - La Sankta Biblio, sen Ĉapelo esparanto bible

Psalmo 56

¹Al la hxorestro. Por Jonatelem-rehxokim. Verko de David, kiam kaptis lin la Filisxtoj en Gat. Korfavoru min, ho Dio, cxar homo volas min engluti, Dum la tuta tago malamiko min premas.

²Miaj malamikoj volas min engluti cxiutage, Cxar multaj militas kontraux mi fiere.

³En la tago, kiam mi timas, Mi fidas Vin.

⁴Dion, kies vorton mi gloras, Tiun Dion mi fidas; mi ne timas: Kion karno faros al mi?

⁵Dum la tuta tago ili atakas miajn vortojn; Cxiuj iliaj pensoj pri mi estas por malbono.

⁶Ili kolektigxas, embuskas, observas miajn pasxojn, Penante kapti mian animon.

⁷Por ilia malbonago repagu al ili, En kolero faligu la popolojn, ho Dio!

⁸Mian vagadon Vi kalkulis; Metu miajn larmojn en Vian felsakon, Ili estas ja en Via libro.

⁹Tiam miaj malamikoj returnigxos malantauxen en la tago, kiam mi vokos; Tion mi scias, ke Dio estas kun mi.

¹⁰Mi gloros vorton de Dio; Mi gloros vorton de la Eternulo.

¹¹Dion mi fidas, mi ne timas: Kion faros al mi homo?

¹²Mi faris al Vi, ho Dio, promesojn, Mi plenumos al Vi dankoferojn.

¹³Cxar Vi savis mian animon de la morto, Kaj miajn piedojn de falpusxigxo, Por ke mi iradu antaux Dio En la lumo de la vivo.