Read La Sankta Biblio, sen Ĉapelo esparanto Psalmo 58 Bible Online

Psalmo 58 - La Sankta Biblio, sen Ĉapelo esparanto bible

Psalmo 58

¹Al la hxorestro. Por Al-tasxhxet. Verko de David. Cxu efektive vi parolas veron, vi potenculoj? Cxu vi juste jugxas, homidoj?

²Kontrauxe, en la koro vi faras krimajxojn, Sur la tero vi pesas per manoj rabemaj.

³De la momento de sia naskigxo la malvirtuloj devojigxis; De el la ventro de sia patrino la mensogantoj ekeraris.

⁴Ilia veneno estas simila al la veneno de serpento, De surda aspido, kiu sxtopas sian orelon,

⁵Kiu ne auxskultas la vortojn de sorcxistoj, Kiel ajn lertaj en sia arto.

⁶Ho Dio, frakasu iliajn dentojn en ilia busxo; Frakasu la makzelojn de la junaj leonoj, ho Eternulo!

⁷Ili forversxigxu kiel akvo, kiu malaperas; Kiam Li jxetos Siajn sagojn, ili estu kiel bucxitaj.

⁸Kiel limako konsumigxanta ili malaperu, Kiel abortajxo virina, kiu ne vidis la sunon;

⁹Antaux ol viaj kaldronoj eksentos la dornojn, Ilin vivajn kaj fresxajn pereigu la ventego.

¹⁰Gxojos la virtulo, kiam li vidos vengxon; Li lavos siajn piedojn en la sango de la malvirtulo.

¹¹Kaj la homoj diros: Ekzistas rekompenco por la virtulo, Ekzistas Dio, jugxanto sur la tero.