Read La Sankta Biblio, sen Ĉapelo esparanto Psalmo 62 Bible Online

Psalmo 62 - La Sankta Biblio, sen Ĉapelo esparanto bible

Psalmo 62

¹Al la hxorestro. Por Jedutun. Psalmo de David. Nur al Dio esperas mia animo; De Li venas mia savo.

²Nur Li estas mia fortikajxo kaj mia savo, mia rifugxejo; Mi ne tute renversigxos.

³Gxis kiam vi insidos kontraux viro kaj cxiuj vi penos faligi lin, Kiel klinigxintan muron, kiel barilon kadukan?

⁴Ili meditas nur pri tio, ke ili dejxetu lin de lia altajxo; Placxas al ili malvero; Per la busxo ili benas, kaj interne ili malbenas. Sela.

⁵Nur Dion fidu, mia animo; Cxar Li estas mia espero.

⁶Nur Li estas mia fortikajxo kaj mia savo, mia rifugxejo; Mi ne renversigxos.

⁷En Dio estas mia savo kaj mia honoro; Mia forta roko, mia sxirmo estas en Dio.

⁸Fidu Lin en cxiu tempo, ho popolo; Elversxu antaux Li vian koron: Dio estas nia defendo. Sela.

⁹Nur vantajxo estas la malaltranguloj, malverajxo estas la altranguloj; Metitaj sur pesilon, ili cxiuj estas malpli ol vantajxo.

¹⁰Ne fidu perfortajxon, kaj rabitajxon ne fidu vane; Kiam kreskos ricxeco, ne atentu gxin per via koro.

¹¹Unu vorton diris Dio, Dufoje mi gxin auxdis, Ke la forto estas cxe Dio.

¹²Kaj Vi, ho mia Sinjoro, havas favorkorecon; Cxar Vi redonas al homo laux liaj faroj.