Read La Sankta Biblio, sen Ĉapelo esparanto Psalmo 63 Bible Online

Psalmo 63 - La Sankta Biblio, sen Ĉapelo esparanto bible

Psalmo 63

¹Psalmo de David, kiam li estis en la dezerto de Judujo. Ho Dio, mia Dio, Vin mi fervore sercxas; Soifas pri Vi mia animo, sopiras pri Vi mia karno, En lando seka, sensuka, kaj senakva.

²Mi volus vidi Vin en Via sanktejo, Vidi Vian forton kaj gloron.

³Cxar Via favoro estas pli bona ol vivo; Miaj lipoj Vin gloras.

⁴Tiel mi Vin gloradus en la dauxro de mia vivo, Levadus miajn manojn pro Via nomo.

⁵Kvazaux de graso kaj oleo satigxus mia animo, Kaj per vortoj de kanto Vin gloradus mia busxo.

⁶Kiam mi rememoras Vin sur mia lito, En cxiuj partoj de la nokto mi meditas pri Vi.

⁷Cxar Vi estis por mi helpo, Kaj en la ombro de Viaj flugiloj mi gxojas.

⁸Mia animo algluigxis al Vi; Min subtenas Via dekstra mano.

⁹Kaj tiuj, kiuj penas pereigi mian animon, Iros en la profundon subteran.

¹⁰Ili estos mortigitaj per glavo, Farigxos akiro de vulpoj.

¹¹Kaj la regxo gxojos per Dio; Triumfos cxiu, kiu jxuras al Li; Cxar sxtopigxos la busxo de tiuj, kiuj parolas malveron.