Read La Sankta Biblio, sen Ĉapelo esparanto Psalmo 64 Bible Online

Psalmo 64 - La Sankta Biblio, sen Ĉapelo esparanto bible

Psalmo 64

¹Al la hxorestro. Psalmo de David. Auxdu, ho Dio, mian krion en mia malgxojo; De la teruro pri malamiko gardu mian vivon.

²Sxirmu min kontraux la konspiro de maliculoj, Kontraux la amaso de krimuloj,

³Kiuj akrigis sian langon kiel glavon, Direktis vortojn maldolcxajn, kvazaux siajn sagojn,

⁴Por pafi kasxe kontraux senkulpulon; Subite ili pafas kontraux lin kaj ne timas.

⁵Ili fortikigas sin en malbona intenco, Ili konsiligxas, por meti sekrete retojn; Ili diras: Kiu ilin vidos?

⁶Ili elpensas krimojn, kasxas ilin tre zorge interne en si, En la profundeco de la koro.

⁷Sed Dio pafos kontraux ilin; Per sago subita ili estos frapitaj.

⁸Kaj ili falos per sia propra lango; Cxiuj, kiuj ilin vidos, balancos la kapon.

⁹Kaj ektimos cxiuj homoj, Kaj ili rakontos la agon de Dio Kaj komprenos Liajn farojn.

¹⁰La virtulo gxojos per la Eternulo, kaj fidos Lin; Kaj triumfos cxiuj, kiuj havas pian koron.