Read La Sankta Biblio, sen Ĉapelo esparanto Psalmo 71 Bible Online

Psalmo 71 - La Sankta Biblio, sen Ĉapelo esparanto bible

Psalmo 71

¹Vin, ho Eternulo, mi fidas: Mi neniam estu hontigita.

²Per Via justeco savu min kaj liberigu min; Klinu al mi Vian orelon, kaj helpu min.

³Estu por mi fortika roko, kien mi povus cxiam veni, Kiun Vi destinis por mia savo; Cxar Vi estas mia roko kaj mia fortikajxo.

⁴Ho mia Dio, liberigu min el la mano de malbonulo, El la mano de krimulo kaj premanto.

⁵Cxar Vi estas mia espero, ho mia Sinjoro; La Eternulo estas mia fido de post mia juneco.

⁶Vin mi fidis de la embrieco, De la ventro de mia patrino Vi estas mia protektanto; Vin mi cxiam gloros.

⁷Mirindajxo mi estis por multaj; Kaj Vi estas mia forta rifugxejo.

⁸Mia busxo estas plena de glorado por Vi, Cxiutage de Via majesto.

⁹Ne forpusxu min en la tempo de maljuneco; Kiam konsumigxos miaj fortoj, tiam ne forlasu min.

¹⁰Cxar miaj malamikoj parolas pri mi, Kaj tiuj, kiuj insidas kontraux mia animo, konsiligxas inter si,

¹¹Dirante: Dio lin forlasis; Persekutu kaj kaptu lin, cxar neniu lin savos.

¹²Ho Dio, ne malproksimigxu de mi; Ho mia Dio, rapidu, por helpi min.

¹³Estu hontigitaj kaj malaperu la persekutantoj de mia animo; De honto kaj malhonoro estu kovritaj tiuj, kiuj deziras al mi malbonon.

¹⁴Kaj mi cxiam fidos Kaj cxiam pligrandigos Vian gloron.

¹⁵Mia busxo rakontos Vian justecon, Cxiutage Vian helpon, Cxar mi ne povus cxion elkalkuli.

¹⁶Mi gloros la fortojn de mia Sinjoro, la Eternulo; Mi rakontos nur Vian justecon.

¹⁷Ho Dio, Vi instruis min detempe de mia juneco; Kaj gxis nun mi predikas pri Viaj mirakloj.

¹⁸Ankaux gxis la maljuneco kaj grizeco ne forlasu min, ho Dio, Gxis mi rakontos pri Via brako al la estonta generacio, Pri Via forto al cxiuj venontoj.

¹⁹Via justeco, ho Dio, estas tre alta; En la grandaj faroj, kiujn Vi plenumis, Ho Dio, kiu Vin egalas?

²⁰Vi vidigis al mi grandajn kaj kruelajn suferojn, Sed Vi denove min vivigis, Kaj el la abismoj de la tero Vi denove min eligis.

²¹Vi pliigas mian grandecon Kaj denove min konsolas.

²²Kaj mi gloros Vin per psaltero por Via fideleco, ho mia Dio; Mi kantos al Vi per harpo, Ho Sanktulo de Izrael!

²³Gxojas miaj lipoj, kiam mi kantas al Vi; Kaj mia animo, kiun Vi savis.

²⁴Kaj mia lango cxiutage rakontas Vian justecon; Cxar hontigitaj kaj malhonoritaj estas tiuj, kiuj deziras al mi malbonon.