Read La Sankta Biblio, sen Ĉapelo esparanto Psalmo 72 Bible Online

Psalmo 72 - La Sankta Biblio, sen Ĉapelo esparanto bible

Psalmo 72

¹Pri Salomono. Ho Dio, Vian jugxon donu al la regxo Kaj Vian justecon al la regxido.

²Li jugxu Vian popolon kun vero Kaj Viajn prematojn kun justeco.

³La montoj alportu al la popolo pacon, Ankaux la montetoj, per justeco.

⁴Li jugxu la prematojn en la popolo, Li savu la filojn de senhavulo, Kaj li dispremu la premanton.

⁵Oni timu Vin tiel longe, kiel ekzistos la suno kaj la luno, De generacioj al generacioj.

⁶Li mallevigxu, kiel pluvo sur falcxitan herbejon; Kiel gutoj, kiuj malsekigas la teron.

⁷En liaj tagoj floru virtulo kaj granda paco, Gxis ne plu ekzistos la luno.

⁸Li regu de maro gxis maro Kaj de la Rivero gxis la finoj de la tero.

⁹Klinigxu antaux li la dezertanoj, Kaj liaj malamikoj leku polvon.

¹⁰La regxoj de Tarsxisx kaj de la insuloj alportu donacojn; La regxoj de Sxeba kaj Seba venigu donojn.

¹¹Klinigxu antaux li cxiuj regxoj; Cxiuj popoloj lin servu.

¹²Cxar li savos ploregantan malricxulon Kaj senhelpan mizerulon.

¹³Li estos favorkora por malricxulo kaj senhavulo, Kaj li savos la animojn de mizeruloj.

¹⁴De malico kaj krimo li savos iliajn animojn; Kaj kara estos ilia sango en liaj okuloj.

¹⁵Kaj li vivu, kaj oni donu al li el la oro de Sxeba; Kaj oni cxiam pregxu por li, kaj cxiutage oni lin benu.

¹⁶Estu multe da greno en la lando; Sur la supro de la montoj gxiaj spikoj ondigxu kiel Lebanon; Kaj en la urboj cxio floru, kiel herbo sur la tero.

¹⁷Lia nomo estu eterna; Tiel longe, kiel ekzistas la suno, kresku lia nomo; Cxiuj popoloj sin benu per li kaj gloru lin.

¹⁸Glorata estu Dio la Eternulo, Dio de Izrael, Kiu sola faras miraklojn.

¹⁹Kaj lauxdata estu Lia glora nomo eterne; Kaj Lia gloro plenigu la tutan teron. Amen, kaj amen!

²⁰Finigxis la pregxoj de David, filo de Jisxaj.