Read La Sankta Biblio, sen Ĉapelo esparanto Psalmo 76 Bible Online

Psalmo 76 - La Sankta Biblio, sen Ĉapelo esparanto bible

Psalmo 76

¹Al la hxorestro. Por kordaj instrumentoj. Psalmo de Asaf. Kanto. Dio estas konata en Judujo; Granda estas Lia nomo en Izrael.

²En Salem estas Lia tendo, Kaj Lia logxejo sur Cion.

³Tie Li rompis la sagojn de pafarko, Sxildon, glavon, kaj militon. Sela.

⁴Vi estas majesta kaj potenca sur la sovagxbestaj montoj.

⁵Senarmigxis la fortkoruloj, endormigxis; Kaj cxiuj militistoj restis kvazaux sen manoj.

⁶De Via minaco, ho Dio de Jakob, Paralizigxis rajdisto kaj cxevalo.

⁷Vi, Vi estas timinda; Kaj kiu restos staranta antaux Vi, kiam ekflamas Via kolero?

⁸El la cxielo Vi auxdigis jugxon; La tero ektimis kaj eksilentis,

⁹Kiam Dio levigxis, por jugxi, Por savi cxiujn humilulojn sur la tero. Sela.

¹⁰Cxar la kolero de homo farigxas Via gloro, Kiam Vi zonas Vin per la resto de Via kolero.

¹¹Faru kaj plenumu promesojn al la Eternulo, via Dio; Vi cxiuj, kiuj Lin cxirkauxas, alportu donacojn al la Timindulo.

¹²Li humiligis la spiriton de potenculoj; Li estas timinda por la regxoj de la tero.