Read La Sankta Biblio, sen Ĉapelo esparanto Psalmo 85 Bible Online

Psalmo 85 - La Sankta Biblio, sen Ĉapelo esparanto bible

Psalmo 85

¹Al la hxorestro. Psalmo de la Korahxidoj. Vi korfavoris, ho Eternulo, Vian landon, Vi revenigis la forkaptitojn de Jakob;

²Vi pardonis la kulpon de Via popolo, Vi kovris cxiujn gxiajn pekojn. Sela.

³Vi retenis Vian tutan koleron, Forlasis Vian furiozon.

⁴Turnu Vin al ni, ho Dio de nia savo, Kaj cxesigu Vian koleron kontraux ni.

⁵Cxu eterne Vi nin koleros, Dauxrigos Vian koleron de generacio al generacio?

⁶Cxu Vi ne revivigos nin denove, Ke Via popolo gxoju per Vi?

⁷Aperigu al ni, ho Eternulo, Vian favoron, Kaj Vian helpon donu al ni.

⁸Mi auxdu, kion diras Dio, la Eternulo; Cxar Li deklaros pacon al Sia popolo kaj al Siaj fideluloj, Ke ili ne reiru al malsagxeco.

⁹Jam proksima estas Lia helpo al tiuj, kiuj Lin timas, Por ke ekregu honoro en nia lando.

¹⁰Bono kaj vero renkontigxas, Justeco kaj paco sin kisas.

¹¹Vero elkreskas el la tero, Kaj justeco rigardas el la cxielo.

¹²Kaj la Eternulo donos bonon, Kaj nia tero donos siajn produktojn.

¹³Justeco iros antaux Li Kaj faros vojon por Liaj pasxoj.