Read La Sankta Biblio, sen Ĉapelo esparanto Psalmo 86 Bible Online

Psalmo 86 - La Sankta Biblio, sen Ĉapelo esparanto bible

Psalmo 86

¹Pregxo de David. Klinu, ho Eternulo, Vian orelon, auxskultu min; Cxar mi estas mizera kaj malricxa.

²Konservu mian animon, cxar mi estas fidela; Ho Vi, mia Dio, helpu Vian sklavon, kiu fidas Vin.

³Korfavoru min, ho mia Sinjoro, Cxar mi vokas al Vi la tutan tagon.

⁴Gxojigu la animon de Via sklavo, Cxar al Vi, ho mia Sinjoro, mi levas mian animon.

⁵Cxar Vi, mia Sinjoro, estas bona kaj pardonema Kaj tre favora por cxiuj, kiuj Vin vokas.

⁶Auxskultu, ho Eternulo, mian pregxon, Kaj atentu la vocxon de mia petego.

⁷En tago de mia sufero mi Vin vokas, Por ke Vi auxskultu min.

⁸Ne ekzistas simila al Vi inter la dioj, ho mia Sinjoro, Kaj ne ekzistas faroj kiel Viaj.

⁹Cxiuj popoloj, kiujn Vi kreis, venos kaj klinigxos antaux Via vizagxo, ho mia Sinjoro, Kaj honoros Vian nomon.

¹⁰Cxar Vi estas granda kaj Vi faras miraklojn; Vi sola estas Dio.

¹¹Montru al mi, ho Eternulo, Vian vojon, por ke mi iru en Via vero; Dedicxu mian koron al la respektado de Via nomo.

¹²Mi dankos Vin, ho mia Sinjoro, mia Dio, per mia tuta koro, Kaj mi honoros Vian nomon eterne.

¹³Cxar granda estas Via boneco al mi; Kaj Vi savis mian animon el la profundo de Sxeol.

¹⁴Ho Dio, fieruloj levigxis kontraux mi, Kaj anaro da premantoj sercxas mian animon Kaj ne havas Vin antaux si.

¹⁵Sed Vi, mia Sinjoro, estas Dio kompatema kaj favorkora, Longetolerema kaj tre bona kaj verama.

¹⁶Turnu Vin al mi kaj korfavoru min, Donu Vian forton al Via sklavo, Kaj helpu la filon de Via sklavino.

¹⁷Faru super mi signon por bono, Por ke miaj malamantoj vidu kaj hontigxu, Cxar Vi, ho Eternulo, min helpos kaj konsolos.