Read La Sankta Biblio, sen Ĉapelo esparanto Psalmo 88 Bible Online

Psalmo 88 - La Sankta Biblio, sen Ĉapelo esparanto bible

Psalmo 88

¹Kanto-psalmo de la orahxidoj. Al la hxorestro. Por mahxalat-leanoto. Instruo de Heman, la Ezrahxido. Ho Eternulo, Dio de mia savo! Tage kaj nokte mi krias antaux Vi.

²Mia pregxo venu antaux Vian vizagxon; Klinu Vian orelon al mia ploro.

³Cxar mia animo trosatigxis de malbonoj Kaj mia vivo atingis Sxeolon.

⁴Mi similigxis al la forirantoj en la tombon; Mi farigxis kiel viro sen fortoj,

⁵Etendita inter mortintoj; Kiel mortigitoj, kusxantaj en la tombo, Kiujn Vi jam ne rememoras Kaj kiuj estas forigitaj for de Via mano.

⁶Vi metis min en la plej profundan foson, En mallumon, en abismon.

⁷Pezas sur mi Via furiozo, Kaj per cxiuj Viaj ondoj Vi min premas. Sela.

⁸Vi malproksimigis de mi miajn konatojn, Vi faris min abomenajxo por ili; Mi estas ensxlosita, kaj mi ne povas eliri.

⁹Mia okulo mallumigxis de malgxojo; Mi vokas Vin, ho Eternulo, cxiutage, Mi etendas al Vi miajn manojn.

¹⁰Cxu por mortintoj Vi faros miraklojn? Cxu malvivuloj levigxos kaj gloros Vin? Sela.

¹¹Cxu en la tombo estos rakontata Via boneco, Kaj fidindeco en la abismo?

¹²Cxu en la mallumo estos konataj Viaj mirakloj, Kaj Via justeco en la lando de forgeso?

¹³Sed mi vokas al Vi, ho Eternulo, Kaj matene mia pregxo Vin renkontas.

¹⁴Kial, ho Eternulo, Vi forpusxas mian animon? Kial Vi kasxas Vian vizagxon de mi?

¹⁵Mi estas mizera kaj senforta detempe de la juneco; Mi portas Viajn terurojn, mi konsumigxas.

¹⁶Venis sur min Via furiozo, Viaj timigoj min dispremas.

¹⁷Ili cxirkauxas min, kiel akvo, cxiutage; Ili tute min cxirkauxsiegxas.

¹⁸Vi malproksimigis de mi amanton kaj amikon; Miaj konatoj estas en mallumo.