Read La Sankta Biblio, sen Ĉapelo esparanto Psalmo 94 Bible Online

Psalmo 94 - La Sankta Biblio, sen Ĉapelo esparanto bible

Psalmo 94

¹Dio de vengxo, ho Eternulo, Dio de vengxo, aperu!

²Levigxu, Jugxanto de la tero; Redonu la meritajxon al la fieruloj.

³Kiel longe la malvirtuloj, ho Eternulo, Kiel longe la malvirtuloj triumfos?

⁴Ili estas malhumilaj, parolas arogantajxon; Fanfaronas cxiuj malbonaguloj.

⁵Vian popolon, ho Eternulo, ili premas, Kaj Vian heredon ili turmentas.

⁶Vidvinon kaj fremdulon ili mortigas, Kaj orfojn ili bucxas.

⁷Kaj ili diras: La Eternulo ne vidas, Kaj la Dio de Jakob ne scias.

⁸Komprenu, senprudentuloj en la popolo; Kaj vi, malsagxuloj, kiam vi sagxigxos?

⁹Cxu ne auxdas Tiu, kiu arangxis orelon? Cxu ne vidas Tiu, kiu kreis okulon?

¹⁰Cxu ne punas la gxustiganto de la popoloj, Kiu instruas al homo scion?

¹¹La Eternulo scias la pensojn de homo, Ke ili estas vantaj.

¹²Bone estas al la homo, kiun Vi, ho Eternulo, gxustigas, Kaj al kiu Vi instruas Vian legxon,

¹³Por trankviligi lin en la malbonaj tagoj, Gxis estos pretigita la foso por la malvirtulo.

¹⁴Cxar la Eternulo ne forpusxos Sian popolon, Kaj Sian heredon Li ne forlasos.

¹⁵Cxar jugxo revenos al vero, Kaj gxin sekvos cxiuj virtkoruloj.

¹⁶Kiu helpas min kontraux malbonuloj? Kiu staras apud mi kontraux malbonaguloj?

¹⁷Se la Eternulo ne estus mia helpanto, Mia animo preskaux kusxus jam silenta.

¹⁸Kiam mi diris, ke mia piedo sxanceligxas, Via boneco, ho Eternulo, min subtenis.

¹⁹Kiam mi havas interne multe da maltrankvilaj pensoj, Viaj konsoloj karesas mian animon.

²⁰Cxu aligxos al Vi trono de maljusteco, Kiu arangxas maljustajxon en la nomo de la legxo?

²¹Ili sin armas kontraux la animo de virtulo, Kaj sangon senkulpan ili akuzas.

²²Sed la Eternulo estos mia rifugxejo; Kaj mia Dio estos la roko de mia sxirmo.

²³Kaj Li redonos al ili por iliaj malbonagoj, Kaj por ilia malboneco Li ilin ekstermos; Ilin ekstermos la Eternulo, nia Dio.