Read La Sankta Biblio, sen Ĉapelo esparanto Psalmo 95 Bible Online

Psalmo 95 - La Sankta Biblio, sen Ĉapelo esparanto bible

Psalmo 95

¹Venu, ni kantu al la Eternulo; Ni gxoje kriu al la rifugxejo de nia helpo.

²Ni venu antaux Lian vizagxon kun glorado, Per psalmoj ni gxoje kriu al Li.

³Cxar granda Dio estas la Eternulo Kaj granda Regxo super cxiuj dioj,

⁴Kiu havas en Sia mano la profundajxojn de la tero, Kaj al kiu apartenas la altajxoj de la montoj;

⁵Al kiu apartenas la maro, kaj Li gxin faris, Kaj la sekteron Liaj manoj kreis.

⁶Venu, ni klinigxu, ni jxetu nin teren, Ni genuu antaux la Eternulo, nia Kreinto.

⁷Cxar Li estas nia Dio, Kaj ni estas la popolo de Lia pasxtejo kaj la sxafoj de Lia mano. Hodiaux, se vi auxskultas Lian vocxon,

⁸Ne obstinigu vian koron, kiel en Meriba, Kiel en la tago de Masa en la dezerto,

⁹Kiam viaj patroj Min incitis, Esploris kaj vidis Mian faron.

¹⁰Kvardek jarojn Mi indignis kontraux tiu generacio, Kaj Mi diris: Ili estas popolo kun koro malgxusta, Kaj ili ne volas koni Miajn vojojn;

¹¹Tial Mi jxuris en Mia kolero, Ke ili ne venos en Mian ripozejon.