Read La Sankta Biblio, sen Ĉapelo esparanto Psalmo 97 Bible Online

Psalmo 97 - La Sankta Biblio, sen Ĉapelo esparanto bible

Psalmo 97

¹La Eternulo regxas; gxoju la tero; Estu gajaj la multaj insuloj.

²Nubo kaj mallumo estas cxirkaux Li; Vero kaj justeco estas la fundamento de Lia trono.

³Fajro iras antaux Li, Kaj bruligas cxirkauxe Liajn malamikojn.

⁴Liaj fulmoj lumigas la mondon; La tero vidas, kaj tremas.

⁵Montoj fandigxas kiel vakso antaux la vizagxo de la Eternulo, Antaux la vizagxo de la Sinjoro de la tuta tero.

⁶La cxielo rakontas Lian veron, Kaj cxiuj popoloj vidas Lian gloron.

⁷Hontigxu cxiuj, kiuj servas al idoloj, Kiuj lauxdas sin pro diacxoj. Klinigxu antaux Li cxiuj dioj.

⁸Auxdis kaj ekgxojis Cion, Kaj ektriumfis la filinoj de Jehuda Pro Viaj jugxoj, ho Eternulo.

⁹Cxar Vi, ho Eternulo, estas Plejalta super la tuta tero, Vi tre alte levigxis super cxiuj dioj.

¹⁰Amantoj de la Eternulo, malamu malbonon. Li gardas la animojn de Siaj fideluloj; Li savos ilin de la mano de malvirtuloj.

¹¹Lumo versxigxas sur virtulon, Kaj gxojo sur purkorulojn.

¹²Gxoju, virtuloj, pro la Eternulo, Kaj gloru Lian sanktan nomon.