Read La Sankta Biblio, sen Ĉapelo esparanto Sentencoj 10 Bible Online

Sentencoj 10 - La Sankta Biblio, sen Ĉapelo esparanto bible

Sentencoj 10

¹Sentencoj de Salomono. Sagxa filo estas gxojo por sia patro, Kaj filo malsagxa estas malgxojo por sia patrino.

²Maljustaj trezoroj ne donas utilon; Sed bonfaremo savas de morto.

³La Eternulo ne malsatigos animon de piulo; Sed la avidon de malpiulo Li forpusxas.

⁴Maldiligenta mano malricxigas; Sed mano de diligentuloj ricxigas.

⁵Kiu kolektas dum la somero, tiu estas filo sagxa; Sed kiu dormas en la tempo de rikolto, tiu estas filo hontinda.

⁶Beno estas sur la kapo de piulo; Sed la busxo de malpiulo kasxas krimon.

⁷La memoro de piulo estas benata; Sed la nomo de malpiuloj forputros.

⁸Kiu havas sagxan koron, tiu akceptos moralordonojn; Sed kiu havas malsagxan busxon, tiu renversigxos.

⁹Kiu iras en senkulpeco, tiu iras sendangxere; Sed kiu kurbigas siajn vojojn, tiu estos punita.

¹⁰Kiu grimacas per la okulo, tiu kauxzas suferon; Kaj kiu havas malsagxan busxon, tiu renversigxos.

¹¹La busxo de piulo estas fonto de vivo; Sed la busxo de malpiulo kasxas krimon.

¹²Malamo kauxzas malpacon; Sed amo kovras cxiujn pekojn.

¹³Sur la lipoj de prudentulo trovigxas sagxo; Sed vergo apartenas al la dorso de sensagxulo.

¹⁴Sagxuloj konservas la scion; Sed la busxo de malsagxulo estas proksima al la pereo.

¹⁵La havo de ricxulo estas lia fortika urbo; Sed pereo por la malricxuloj estas ilia malricxo.

¹⁶La laborpago de piulo estas por la vivo; La enspezoj de malpiulo estas por peko.

¹⁷Kiu konservas la instruon, tiu iras al vivo; Sed kiu forjxetas atentigon, tiu restas en eraro.

¹⁸Kiu kasxas malamon, tiu havas falseman busxon; Kaj kiu elirigas kalumnion, tiu estas malsagxulo.

¹⁹Cxe multo da vortoj ne evitebla estas peko; Sed kiu retenas siajn lipojn, tiu estas sagxa.

²⁰La lango de piulo estas plej bonspeca argxento; La koro de malpiuloj estas kiel nenio.

²¹La lipoj de piulo gvidas multajn; Sed malsagxuloj mortas pro manko de sagxo.

²²La beno de la Eternulo ricxigas, Kaj malgxojon Li ne aldonas al gxi.

²³Por malsagxulo estas gxojo fari malbonon; Kaj sagxo, por sagxulo.

²⁴Kio timigas malpiulon, tio trafos lin; Kaj kion deziras piuloj, tio estos donita al ili.

²⁵Kiel pasanta ventego, tiel malpiulo rapide malaperas; Sed piulo havas eternan fundamenton.

²⁶Kiel la vinagro por la dentoj kaj la fumo por la okuloj, Tiel la maldiligentulo estas por tiuj, kiuj lin sendis.

²⁷La timo antaux la Eternulo multigas la tagojn; Sed la jaroj de malpiuloj estos mallongigitaj.

²⁸La atendo de piuloj farigxos gxojo; Sed la espero de malpiuloj pereos.

²⁹La vojo de la Eternulo estas defendo por la senpekulo, Sed pereo por la malbonfarantoj.

³⁰Piulo neniam falpusxigxos; Sed la malpiuloj ne restos sur la tero.

³¹La busxo de piulo eligas sagxon; Sed lango falsema estos ekstermita.

³²La lipoj de piulo anoncas favorajxon, Kaj la busxo de malpiuloj malicajxon.