Read La Sankta Biblio, sen Ĉapelo esparanto Sentencoj 13 Bible Online

Sentencoj 13 - La Sankta Biblio, sen Ĉapelo esparanto bible

Sentencoj 13

¹Sagxa filo lernas de la patro; Sed mokanto ne auxskultas moralinstruon.

²La frukto de la busxo donas al homo bonan mangxon; Sed la deziro de krimuloj estas perforto.

³Kiu gardas sian busxon, tiu gardas sian animon; Kiu tro malfermas sian busxon, tiu pereas.

⁴La animo de maldiligentulo deziras, kaj ne ricevas; Sed la animo de diligentuloj satigxas.

⁵Vorton malveran virtulo malamas; Sed malvirtulo agas abomene kaj venas al honto.

⁶La virto gardas tiun, kiu iras gxustan vojon; Sed la malvirto pereigas pekulon.

⁷Unu sxajnigas sin ricxa, havante nenion; Alia sxajnigas sin malricxa, havante grandan ricxecon.

⁸Per sia ricxeco homo savas sian animon; Sed malricxulo ne auxskultas atentigon.

⁹La lumo de virtuloj brilegas; Sed la lumilo de malvirtuloj estingigxos.

¹⁰Nur de malhumileco venas malpaco; Sed la akceptantaj konsilojn havas sagxon.

¹¹Ricxeco rapide akirita malgrandigxas; Sed kion oni kolektas per laboro, tio multigxas.

¹²Espero prokrastata dolorigas la koron; Sed plenumita deziro estas arbo de vivo.

¹³Kiu malsxatas diron, tiu malutilas al si mem; Sed respektanta ordonon estos rekompencita.

¹⁴Instruo de sagxulo estas fonto de vivo, Por evitigi la retojn de la morto.

¹⁵Bona prudento placxigas; Sed la vojo de perfiduloj estas malglata.

¹⁶Cxiu prudentulo agas konscie; Sed malsagxulo elmontras malsagxecon.

¹⁷Malbona sendito falas en malfelicxon; Sed sendito fidela sanigas.

¹⁸Malricxa kaj hontigata estos tiu, kiu forpusxas instruon; Sed kiu observas instruon, tiu estos estimata.

¹⁹Deziro plenumita estas agrabla por la animo; Sed malagrable por la malsagxuloj estas deturni sin de malbono.

²⁰Kiu iras kun sagxuloj, tiu estos sagxa; Sed kamarado de malsagxuloj suferos doloron.

²¹Pekulojn persekutas malbono; Sed virtulojn rekompencas bono.

²²Bonulo heredigas la nepojn; Kaj por virtulo konservigxas la havo de pekulo.

²³Multe da mangxajxo estas sur la kampo de malricxuloj; Sed multaj pereas pro manko de justeco.

²⁴Kiu sxparas sian vergon, tiu malamas sian filon; Sed kiu lin amas, tiu baldaux lin punas.

²⁵Virtulo mangxas, por satigi sian animon; Sed la ventro de malvirtuloj havas mankon.