Read La Sankta Biblio, sen Ĉapelo esparanto Sentencoj 15 Bible Online

Sentencoj 15 - La Sankta Biblio, sen Ĉapelo esparanto bible

Sentencoj 15

¹Milda respondo kvietigas koleron; Sed malmola vorto ekscitas koleron.

²La lango de sagxuloj bonigas la instruon; Sed la busxo de malsagxuloj elparolas sensencajxon.

³Sur cxiu loko estas la okuloj de la Eternulo; Ili vidas la malbonulojn kaj bonulojn.

⁴Milda lango estas arbo de vivo; Sed malbonparola rompas la spiriton.

⁵Malsagxulo malsxatas la instruon de sia patro; Sed kiu plenumas la admonon, tiu estas prudenta.

⁶En la domo de virtulo estas multe da trezoroj; Sed en la profito de malvirtulo estas pereo.

⁷La busxo de sagxuloj semas instruon; Sed la koro de malsagxuloj ne estas tia.

⁸Oferdono de malvirtuloj estas abomenajxo por la Eternulo; Sed la pregxo de virtuloj al Li placxas.

⁹Abomenajxo por la Eternulo estas la vojo de malvirtulo; Sed kiu celas virton, tiun Li amas.

¹⁰Malbona puno atendas tiun, kiu forlasas la vojon; Kaj la malamanto de admono mortos.

¹¹Sxeol kaj la abismo estas antaux la Eternulo: Tiom pli la koroj de la homidoj.

¹²Mokanto ne amas tiun, kiu lin admonas; Al sagxuloj li ne iras.

¹³Gxoja koro faras la vizagxon gxoja; Sed cxe cxagreno de la koro la spirito estas malgaja.

¹⁴La koro de sagxulo sercxas instruon; Sed la busxo de malsagxuloj nutras sin per malsagxeco.

¹⁵Cxiuj tagoj de malfelicxulo estas malbonaj; Sed kontenta koro estas festenado.

¹⁶Pli bona estas malmulto kun timo antaux la Eternulo, Ol granda trezoro kun maltrankvileco cxe gxi.

¹⁷Pli bona estas mangxo el verdajxo, sed kun amo, Ol grasa bovo, sed kun malamo.

¹⁸Kolerema homo kauxzas malpacon; Kaj pacienculo kvietigas disputon.

¹⁹La vojo de maldiligentulo estas kiel dornarbeto; Sed la vojo de virtuloj estas ebenigita.

²⁰Sagxa filo gxojigas la patron; Sed homo malsagxa estas malhonoro por sia patrino.

²¹Malsagxeco estas gxojo por malsagxulo; Sed homo prudenta iras gxustan vojon.

²²Kie ne estas konsilo, tie la entreprenoj neniigxas; Sed cxe multe da konsilantoj ili restas fortikaj.

²³Plezuro por homo estas en la respondo de lia busxo; Kaj kiel bona estas vorto en la gxusta tempo!

²⁴La vojo de la vivo por sagxulo iras supren, Por ke li evitu Sxeolon malsupre.

²⁵La domon de fieruloj la Eternulo ruinigas; Sed Li gardas la limojn de vidvino.

²⁶Abomenajxo por la Eternulo estas la intencoj de malnoblulo; Sed agrablaj estas la paroloj de puruloj.

²⁷Profitemulo malgxojigas sian domon; Sed kiu malamas donacojn, tiu vivos.

²⁸La koro de virtulo pripensas respondon; Sed la busxo de malvirtuloj elfluigas malbonon.

²⁹La Eternulo estas malproksima de la malvirtuloj; Sed la pregxon de la virtuloj Li auxskultas.

³⁰Luma okulo gxojigas la koron; Bona sciigo fortikigas la ostojn.

³¹Orelo, kiu auxskultas la instruon de la vivo, Logxos inter sagxuloj.

³²Kiu forpusxas admonon, tiu malestimas sian animon; Sed kiu auxskultas instruon, tiu akiras sagxon.

³³La timo antaux la Eternulo instruas sagxon, Kaj humileco trovigxas antaux honoro.