Read La Sankta Biblio, sen Ĉapelo esparanto Sentencoj 17 Bible Online

Sentencoj 17 - La Sankta Biblio, sen Ĉapelo esparanto bible

Sentencoj 17

¹Pli bona estas seka peco da pano, sed kun trankvileco, Ol domo plena de viando, kun malpaco.

²Sagxa sklavo regos super filo hontinda, Kaj dividos heredon kune kun fratoj.

³Fandujo estas por argxento, kaj forno por oro; Sed la korojn esploras la Eternulo.

⁴Malbonfaranto obeas malbonajn busxojn; Malveremulo atentas malpian langon.

⁵Kiu mokas malricxulon, tiu ofendas lian Kreinton; Kiu gxojas pri ies malfelicxo, tiu ne restos sen puno.

⁶Nepoj estas krono por maljunuloj; Kaj gloro por infanoj estas iliaj gepatroj.

⁷Al malsagxulo ne konvenas alta parolado, Kaj ankoraux malpli al nobelo mensogado.

⁸Donaco estas juvelo en la okuloj de sia mastro; Kien ajn li sin turnos, li sukcesos.

⁹Kiu kovras kulpon, tiu sercxas amikecon; Sed kiu reparolas pri la afero, tiu disigas amikojn.

¹⁰Pli efikas riprocxo cxe sagxulo, Ol cent batoj cxe malsagxulo.

¹¹Malbonulo sercxas nur ribelon; Sed terura sendato estos sendita kontraux lin.

¹²Pli bone estas renkonti ursinon, al kiu estas rabitaj gxiaj infanoj, Ol malsagxulon kun lia malsagxeco.

¹³Kiu redonas malbonon por bono, El ties domo ne malaperos malbono.

¹⁴La komenco de malpaco estas kiel liberigo de akvo; Antaux ol gxi tro vastigxis, forlasu la malpacon.

¹⁵Kiu pravigas malvirtulon, kaj kiu malpravigas virtulon, Ambaux estas abomenajxo por la Eternulo.

¹⁶Por kio servas mono en la mano de malsagxulo? Cxu por acxeti sagxon, kiam li prudenton ne havas?

¹⁷En cxiu tempo amiko amas, Kaj li farigxas frato en mizero.

¹⁸Homo malsagxa donas manon en manon, Kaj garantias por sia proksimulo.

¹⁹Kiu amas malpacon, tiu amas pekon; Kiu tro alte levas sian pordon, tiu sercxas pereon.

²⁰Malica koro ne trovos bonon; Kaj kiu havas negxustan langon, tiu enfalos en malfelicxon.

²¹Kiu naskas malsagxulon, tiu havas cxagrenon; Kaj patro de malprudentulo ne havos gxojon.

²²Gxoja koro estas saniga; Kaj malgxoja spirito sekigas la ostojn.

²³Kasxitajn donacojn akceptas malvirtulo, Por deklini la vojon de la justeco.

²⁴Antaux la vizagxo de prudentulo estas sagxo; Sed la okuloj de malsagxulo estas en la fino de la tero.

²⁵Filo malsagxa estas cxagreno por sia patro, Kaj malgxojo por sia patrino.

²⁶Ne estas bone suferigi virtulon, Nek bati noblulon, kiu agas juste.

²⁷Kiu sxparas siajn vortojn, tiu estas prudenta; Kaj trankvilanimulo estas homo sagxa.

²⁸Ecx malsagxulo, se li silentas, estas rigardata kiel sagxulo; Kaj kiel prudentulo, se li tenas fermita sian busxon.