Read La Sankta Biblio, sen Ĉapelo esparanto Sentencoj 18 Bible Online

Sentencoj 18 - La Sankta Biblio, sen Ĉapelo esparanto bible

Sentencoj 18

¹Kiu apartigxas, tiu sercxas sian volupton Kaj iras kontraux cxiu sagxa konsilo.

²Malsagxulo ne deziras prudenton, Sed nur malkovri sian koron.

³Kiam venas malvirtulo, Venas ankaux malestimo kun honto kaj moko.

⁴La vortoj de homa busxo estas profunda akvo; La fonto de sagxo estas fluanta rivero.

⁵Ne estas bone favori malvirtulon, Por faligi virtulon cxe la jugxo.

⁶La lipoj de malsagxulo kondukas al malpaco, Kaj lia busxo venigas batojn.

⁷La busxo de malsagxulo estas pereo por li, Kaj liaj lipoj enretigas lian animon.

⁸La vortoj de kalumnianto estas kiel frandajxoj, Kaj ili penetras en la profundon de la ventro.

⁹Kiu estas senzorga en sia laborado, Tiu estas frato de pereiganto.

¹⁰La nomo de la Eternulo estas fortika turo: Tien kuras virtulo, kaj estas sxirmata.

¹¹La havo de ricxulo estas lia fortika urbo, Kaj kiel alta muro en lia imago.

¹²Antaux la pereo la koro de homo fierigxas, Kaj antaux honoro estas humileco.

¹³Kiu respondas, antaux ol li auxdis, Tiu havas malsagxon kaj honton.

¹⁴La spirito de homo nutras lin en lia malsano; Sed spiriton premitan kiu povas elporti?

¹⁵La koro de sagxulo akiras prudenton, Kaj la orelo de sagxuloj sercxas scion.

¹⁶Donaco de homo donas al li vastecon Kaj kondukas lin al la grandsinjoroj.

¹⁷La unua estas prava en sia proceso; Sed venas lia proksimulo kaj gxin klarigas.

¹⁸La loto cxesigas disputojn Kaj decidas inter potenculoj.

¹⁹Malpacigxinta frato estas pli obstina, ol fortikigita urbo; Kaj disputoj estas kiel rigliloj de turo.

²⁰De la fruktoj de la busxo de homo satigxas lia ventro; Li mangxas la produktojn de siaj lipoj.

²¹Morto kaj vivo dependas de la lango; Kaj kiu gxin amas, tiu mangxos gxiajn fruktojn.

²²Kiu trovis edzinon, tiu trovis bonon Kaj ricevis favoron de la Eternulo.

²³Per petegado parolas malricxulo; Kaj ricxulo respondas arogante.

²⁴Havi multajn amikojn estas embarase; Sed ofte amiko estas pli sindona ol frato.