Read La Sankta Biblio, sen Ĉapelo esparanto Sentencoj 20 Bible Online

Sentencoj 20 - La Sankta Biblio, sen Ĉapelo esparanto bible

Sentencoj 20

¹La vino estas blasfemanto, ebriiga trinkajxo estas sovagxa; Kaj kiu delogigxas per ili, tiu ne estas prudenta.

²Minaco de regxo estas kiel kriego de leono; Kiu lin kolerigas, tiu pekas kontraux sia animo.

³Estas honoro por homo cxesigi malpacon; Sed cxiu malsagxulo estas malpacema.

⁴En la malvarma tempo mallaborulo ne plugas; Li petos en auxtuno, kaj li nenion ricevos.

⁵Intenco en la koro de homo estas profunda akvo; Sed homo sagxa gxin elcxerpos.

⁶Multaj homoj proklamas pri sia boneco; Sed kiu trovos homon fidelan?

⁷Virtulo iras en sia senpekeco; Felicxaj estas liaj infanoj post li.

⁸Regxo, kiu sidas sur trono de jugxo, Disventumas per siaj okuloj cxion malbonan.

⁹Kiu povas diri: Mi purigis mian koron, Mi estas libera de mia peko?

¹⁰Neegalaj peziloj, neegalaj mezuroj, Ambaux estas abomenajxo por la Eternulo.

¹¹Ecx knabon oni povas ekkoni laux liaj faroj, Cxu estas pura kaj justa lia konduto.

¹²Orelon auxdantan kaj okulon vidantan: Ilin ambaux kreis la Eternulo.

¹³Ne amu dormon, por ke vi ne malricxigxu; Malfermu viajn okulojn, kaj vi satigxos de pano.

¹⁴Malbona, malbona, diras la acxetanto; Sed kiam li foriris, tiam li fanfaronas.

¹⁵Oni povas havi oron kaj multe da perloj; Sed busxo prudenta estas multevalora ilo.

¹⁶Prenu la veston de tiu, kiu garantiis por aliulo; Kaj pro la fremduloj prenu de li garantiajxon.

¹⁷Malhonesta pano estas bongusta por homo; Sed lia busxo poste estos plena de sxtonetoj.

¹⁸Intencoj fortikigxas per konsilo; Kaj militon oni faru prudente.

¹⁹Kiu malkasxas sekreton, tiu estas kiel kalumnianto; Ne komunikigxu kun tiu, kiu havas largxan busxon.

²⁰Kiu malbenas sian patron kaj sian patrinon, Ties lumilo estingigxos meze de profunda mallumo.

²¹Heredo, al kiu oni komence tro rapidas, Ne estas benata en sia fino.

²²Ne diru: Mi repagos malbonon; Fidu la Eternulon, kaj Li vin helpos.

²³Neegalaj peziloj estas abomenajxo por la Eternulo, Kaj malvera pesilo estas ne bona.

²⁴La irado de homo dependas de la Eternulo; Kiel homo povus kompreni sian vojon?

²⁵Gxi estas reto por homo, se li rapidas nomi ion sankta Kaj esploras nur post faro de promeso.

²⁶Sagxa regxo dispelas malvirtulojn, Kaj venigas radon sur ilin.

²⁷La animo de homo estas lumilo de la Eternulo; Gxi esploras cxiujn internajxojn de la korpo.

²⁸Favorkoreco kaj veremeco hardas regxon; Kaj per favorkoreco li subtenas sian tronon.

²⁹Gloro por junuloj estas ilia forto, Kaj ornamo por maljunuloj estas grizeco.

³⁰Vundoj de batoj devas penetri en malbonulon, Kaj frapoj devas iri profunde en lian korpon.