Read La Sankta Biblio, sen Ĉapelo esparanto Sentencoj 23 Bible Online

Sentencoj 23 - La Sankta Biblio, sen Ĉapelo esparanto bible

Sentencoj 23

¹Kiam vi sidigxos, por mangxi kun reganto, Rigardu bone, kio estas antaux vi;

²Kaj vi metu trancxilon al via gorgxo, Se vi estas avidulo.

³Ne deziru liajn bongustajn mangxojn; Cxar gxi estas trompa pano.

⁴Ne penu ricxigxi; Forlasu vian pripensadon.

⁵Cxu vi direktos viajn okulojn al gxi? gxi jam ne ekzistos; Cxar ricxeco faras al si flugilojn kiel aglo, kaj forflugas al la cxielo.

⁶Ne mangxu panon de malbondeziranto, Kaj ne deziru liajn bongustajn mangxojn.

⁷Cxar kiaj estas la pensoj en lia animo, tia li ankaux estas: Mangxu kaj trinku, li diros al vi, Sed lia koro ne estas kun vi.

⁸La pecon, kiun vi mangxis, vi elvomos; Kaj vane vi perdis viajn agrablajn vortojn.

⁹En la orelojn de malsagxulo ne parolu; Cxar li malsxatos la sagxecon de viaj vortoj.

¹⁰Ne forsxovu la antikvajn limojn, Kaj sur la kampon de orfoj ne iru.

¹¹Cxar ilia Liberiganto estas forta; Li defendos ilian aferon kontraux vi.

¹²Elmetu vian koron al instruo Kaj viajn orelojn al paroloj de prudento.

¹³Ne malvolu puni knabon: Se vi batos lin per kano, li ne mortos.

¹⁴Vi batos lin per kano, Kaj lian animon vi savos de Sxeol.

¹⁵Mia filo, se via koro estos sagxa, Tiam gxojos ankaux mia koro.

¹⁶Kaj mia internajxo gxojos, Kiam viaj lipoj parolos gxustajxon.

¹⁷Via koro sin tiru ne al pekuloj, Sed al timo antaux la Eternulo cxiutage.

¹⁸Cxar ekzistas estonteco, Kaj via espero ne perdigxos.

¹⁹Auxskultu vi, mia filo, kaj estu sagxa, Kaj direktu vian koron al la gxusta vojo.

²⁰Ne estu inter la drinkantoj de vino, Inter tiuj, kiuj mangxas tro da viando;

²¹Cxar drinkemulo kaj mangxegemulo malricxigxos, Kaj dormemulo havos sur si cxifonajxojn.

²²Auxskultu vian patron, kiu vin naskigis, Kaj ne malsxatu vian patrinon, kiam sxi maljunigxos.

²³Veron acxetu, kaj ne vendu sagxon Kaj instruon kaj prudenton.

²⁴Grandan gxojon havas patro de virtulo, Kaj naskinto de sagxulo gxojos pro li.

²⁵Via patro kaj via patrino gxojos, Kaj via naskintino triumfos.

²⁶Donu, mia filo, vian koron al mi, Kaj al viaj okuloj placxu miaj vojoj.

²⁷Cxar malcxastulino estas profunda foso, Kaj fremda edzino estas malvasta puto.

²⁸Sxi embuskas kiel rabisto, Kaj kolektas cxirkaux si perfidulojn.

²⁹Cxe kiu estas ploro? cxe kiu estas gxemoj? cxe kiu estas malpaco? Cxe kiu estas plendoj? cxe kiu estas senkauxzaj batoj? Cxe kiu estas malklaraj okuloj?

³⁰Cxe tiuj, kiuj sidas malfrue cxe vino, Cxe tiuj, kiuj venas, por gustumi aroman trinkajxon.

³¹Ne rigardu la vinon, kiel rugxa gxi estas, Kiel gxi brilas en la pokalo, kiel glate gxi eniras:

³²En la fino gxi mordas kiel serpento Kaj pikas kiel vipuro.

³³Viaj okuloj vidos fremdajxojn, Kaj via koro parolos malgxustajxojn.

³⁴Kaj vi estos kiel dormanto meze de la maro, Kaj kiel dormanto sur la supro de masto.

³⁵Ili batis min, sed gxi min ne doloris; Ili frapis min, sed mi ne sentis; Kiam mi vekigxos, mi denove tion sercxos.