Read La Sankta Biblio, sen Ĉapelo esparanto Sentencoj 24 Bible Online

Sentencoj 24 - La Sankta Biblio, sen Ĉapelo esparanto bible

Sentencoj 24

¹Ne sekvu malbonajn homojn, Kaj ne deziru esti kun ili;

²Cxar ilia koro pensas pri perfortajxo, Kaj ilia busxo parolas malbonajxon.

³Per sagxo konstruigxas domo, Kaj per prudento gxi fortikigxas;

⁴Kaj per sciado la cxambroj plenigxas Per cxia havo grandvalora kaj agrabla.

⁵Homo sagxa havas forton, Kaj homo prudenta estas potenca.

⁶Kun pripenso faru militon; Kaj venko venas per multe da konsilantoj.

⁷Tro alta estas la sagxo por malsagxulo; Cxe la pordego li ne malfermos sian busxon.

⁸Kiu intencas fari malbonon, Tiun oni nomas maliculo.

⁹Malico de malsagxulo estas peko; Kaj blasfemanto estas abomenajxo por homo.

¹⁰Se vi montrigxis malforta en tago de mizero, Via forto estas ja malgranda.

¹¹Savu tiujn, kiujn oni prenis por mortigi, Kaj ne fortirigxu de tiuj, kiuj estas kondamnitaj al morto.

¹²Se vi diras: Ni tion ne sciis, La esploranto de koroj ja komprenas, Kaj la gardanto de via animo ja scias, Kaj Li redonas al homo laux liaj faroj.

¹³Mangxu, mia filo, mielon, cxar gxi estas bona; Kaj la mieltavolo estas dolcxa por via gorgxo;

¹⁴Tia estas por via animo la sciado de sagxo, se vi gxin trovis, Kaj ekzistas estonteco, kaj via espero ne pereos.

¹⁵Ne insidu, ho malvirtulo, kontraux la domo de virtulo; Ne ataku lian ripozejon;

¹⁶Cxar sep fojojn virtulo falos, kaj tamen levigxos; Sed malvirtuloj implikigxas en la malfelicxo.

¹⁷Kiam falas via malamiko, ne gxoju, Kaj cxe lia malfelicxo via koro ne plezurigxu;

¹⁸Cxar eble la Eternulo vidos, kaj tio ne placxos al Li, Kaj Li returnos de li Sian koleron.

¹⁹Ne koleru kontraux malbonfarantoj, Kaj ne enviu la malvirtulojn;

²⁰Cxar la malbonulo ne havos estontecon; La lumilo de malvirtuloj estingigxos.

²¹Timu, mia filo, la Eternulon kaj la regxon; Kun ribeluloj ne komunikigxu.

²²Cxar subite venos ilia pereo; Kaj kiu scias, kiam venos la puno de ambaux?

²³Ankaux cxi tio estas vortoj de sagxuloj: Konsideri personojn cxe jugxado estas ne bone.

²⁴Kiu diras al malvirtulo: Vi estas virtulo, Tiun malbenos popoloj, tiun malamos gentoj.

²⁵Sed kiuj faras riprocxojn, tiuj placxas, Kaj sur ilin venos bona beno.

²⁶Kiu respondas gxustajn vortojn, Tiu kisas per la lipoj.

²⁷Plenumu vian laboron ekstere, Pretigu cxion sur via kampo; Kaj poste arangxu vian domon.

²⁸Ne atestu sen kauxzo kontraux via proksimulo; Cxu vi trompus per via busxo?

²⁹Ne diru: Kiel li agis kontraux mi, tiel mi agos kontraux li; Mi redonos al la homo laux lia faro.

³⁰Mi pasis tra kampo de homo maldiligenta Kaj tra vinbergxardeno de sensagxulo;

³¹Kaj jen cxie elkreskis urtiko, Cxio estas kovrita de dornoj, Kaj la sxtona muro estas detruita.

³²Kaj kiam mi vidis, mi prenis gxin en mian koron, Mi rigardis, kaj ricevis instruon:

³³Iom da dormo, iom da dormeto, Iom da kunmeto de la manoj por kusxado;

³⁴Kaj venos via malricxeco kiel rabisto, Kaj via senhaveco kiel viro armita.