Read La Sankta Biblio, sen Ĉapelo esparanto Sentencoj 30 Bible Online

Sentencoj 30 - La Sankta Biblio, sen Ĉapelo esparanto bible

Sentencoj 30

¹Vortoj de Agur, filo de Jake. Profeta parolo de tiu viro al Itiel, al Itiel kaj Ukal.

²Mi estas la plej malklera homo, Kaj homan prudenton mi ne posedas.

³Kaj mi ne lernis sagxon, Kaj pri la Sanktulo mi ne havas ekkonon.

⁴Kiu levigxis en la cxielon, kaj mallevigxis? Kiu kolektis la venton en siajn mankavojn? Kiu ligis la akvon en la veston? Kiu arangxis cxiujn limojn de la tero? Kia estas lia nomo? kaj kia estas la nomo de lia filo? Cxu vi scias?

⁵Cxiu diro de Dio estas pura; Li estas sxildo por tiuj, kiuj Lin fidas.

⁶Ne aldonu al Liaj vortoj, Por ke Li ne punu vin, kaj por ke vi ne aperu mensoganto.

⁷Du aferojn mi petis de Vi; Ne rifuzu al mi, antaux ol mi mortos:

⁸Falsajxon kaj mensogajxon forigu de mi; Malricxecon kaj ricxecon ne donu al mi; Nutru min per tiom da pano, kiom mi bezonas.

⁹Cxar alie mi eble trosatigxus kaj neus, kaj dirus: Kiu estas la Eternulo? Aux eble mi malricxigxus kaj sxtelus, Kaj malbonuzus la nomon de mia Dio.

¹⁰Ne kalumniu sklavon antaux lia sinjoro, Por ke li ne malbenu vin kaj vi ne farigxu kulpulo.

¹¹Estas generacio, kiu malbenas sian patron Kaj ne benas sian patrinon;

¹²Generacio, kiu estas pura en siaj okuloj Kaj tamen ne lavigxis de siaj malpurajxoj;

¹³Generacio, kiu tiel alte tenas siajn okulojn Kaj tiel levas siajn palpebrojn;

¹⁴Generacio, kies dentoj estas glavoj kaj kies makzeloj estas trancxiloj, Por formangxi la malricxulojn de la tero kaj la mizerulojn inter la homoj.

¹⁵Hirudo havas du filinojn, kiuj krias: Donu, donu; Ili tri neniam satigxas. Kvar objektoj ne diras: Suficxe:

¹⁶Sxeol; senfrukta ventro; la tero ne satigxas de akvo; kaj la fajro ne diras: Suficxe.

¹⁷Okulon, kiu mokas la patron Kaj malsxatas obeadon al la patrino, Elpikos korvoj cxe la rivero kaj formangxos aglidoj.

¹⁸Tri aferoj estas nekompreneblaj por mi, Kaj kvaran mi ne scias:

¹⁹La vojon de aglo en la aero; La vojon de serpento sur roko; La vojon de sxipo meze de la maro; Kaj la vojon de viro cxe virgulino.

²⁰Tia estas la vojo de virino adultanta: Sxi mangxas, visxas la busxon, Kaj diras: Mi faris nenian pekon.

²¹Sub tri objektoj tremas la tero, Kaj kvar gxi ne povas porti:

²²Sklavon, kiam li farigxis regxo; Malsagxulon, kiam li tro satigxis de pano;

²³Malamatan virinon, kiam sxi edzinigxis, Kaj sklavinon, kiam sxi elpelis sian sinjorinon.

²⁴Kvar estas malgranduloj sur la tero, Kaj tamen ili estas tre sagxaj:

²⁵La formikoj, popolo ne forta, Tamen ili en somero pretigas al si mangxajxon;

²⁶La hirakoj, popolo senforta, Tamen ili faras siajn domojn en la roko;

²⁷La akridoj ne havas regxon, Kaj tamen ili cxiuj eliras en vicoj;

²⁸La lacerto krocxigxas per siaj manoj, Tamen gxi estas en regxaj palacoj.

²⁹Ekzistas tri, kiuj bone iras, Kaj kvar, kiuj marsxas bele:

³⁰La leono, plej forta el la bestoj, Cedas al neniu;

³¹Cervo kun bonaj lumboj; virkapro; Kaj regxo, kiun neniu povas kontrauxstari.

³²Se vi agis malsagxe pro via fiereco, Kaj se vi intencis malbonon, Tiam metu la manon sur la busxon.

³³Cxar batado de lakto produktas buteron, Ekbato de nazo aperigas sangon, Kaj incitado de kolero kauxzas malpacon.