Read La Sankta Biblio, sen Ĉapelo esparanto Sentencoj 31 Bible Online

Sentencoj 31 - La Sankta Biblio, sen Ĉapelo esparanto bible

Sentencoj 31

¹Vortoj de la regxo Lemuel, instruo, kiun donis al li lia patrino.

²Ho mia filo, ho filo de mia ventro! Ho filo de miaj promesoj!

³Ne donu al la virinoj vian forton, Nek viajn agojn al la pereigantoj de regxoj.

⁴Ne al la regxoj, ho Lemuel, ne al la regxoj konvenas trinki vinon, Nek al la princoj deziri ebriigajxojn.

⁵Cxar drinkinte, ili povas forgesi la legxojn, Kaj ili malgxustigos la jugxon de cxiuj prematoj.

⁶Donu ebriigajxon al la pereanto, Kaj vinon al tiu, kiu havas suferantan animon.

⁷Li trinku, kaj forgesu sian malricxecon, Kaj li ne plu rememoru sian malfelicxon.

⁸Malfermu vian busxon por senvocxulo, Por la defendo de cxiuj forlasitaj.

⁹Malfermu vian busxon, por jugxi juste, Por defendi malricxulon kaj senhavulon.

¹⁰Se iu trovis kapablan edzinon, Sxia valoro estas pli granda ol perloj.

¹¹Fidas sxin la koro de sxia edzo, Kaj havo ne mankos.

¹²Sxi redonas al li bonon, sed ne malbonon, En la dauxro de sxia tuta vivo.

¹³Sxi sercxas lanon kaj linon, Kaj volonte laboras per siaj manoj.

¹⁴Sxi estas kiel sxipo de komercisto; De malproksime sxi alportas sian panon.

¹⁵Sxi levigxas, kiam estas ankoraux nokto, Kaj sxi disdonas mangxon al sia domanaro Kaj porciojn al siaj servantinoj;

¹⁶Sxi pensas pri kampo, kaj acxetas gxin; Per la enspezoj de sia mano sxi plantas vinbergxardenon.

¹⁷Sxi zonas siajn lumbojn per forto Kaj fortikigas siajn brakojn.

¹⁸Sxi komprenas, ke sxia komercado estas bona; Sxia lumilo ne estingigxas en la nokto.

¹⁹Sxi etendas sian manon al la sxpinilo, Kaj sxiaj fingroj tenas la sxpinturnilon.

²⁰Sxi malfermas sian manon al la malricxulo Kaj etendas siajn manojn al la senhavulo.

²¹Sxi ne timas la negxon por sia domo, Cxar sxia tuta domanaro estas vestita per rugxa teksajxo.

²²Sxi faras al si kovrojn; Delikata tolo kaj purpuro estas sxiaj vestoj.

²³Sxia edzo estas konata cxe la pordego, Kie li sidas kune kun la maljunuloj de la lando.

²⁴Sxi faras teksajxon kaj vendas, Kaj zonojn sxi donas al la komercisto.

²⁵Fortika kaj bela estas sxia vesto, Kaj sxi ridas pri la venonta tago.

²⁶Sian busxon sxi malfermas kun sagxo; Bonkora instruo estas sur sxia lango.

²⁷Sxi kontrolas la iradon de aferoj en sia domo, Kaj sxi ne mangxas panon en senlaboreco.

²⁸Levigxas sxiaj filoj kaj sxin gratulas; Sxia edzo sxin lauxdegas, dirante:

²⁹Multaj filinoj estas bravaj, Sed vi superas cxiujn.

³⁰Cxarmeco estas trompa, kaj beleco estas vantajxo; Virino, kiu timas la Eternulon, estos glorata.

³¹Donu al sxi laux la fruktoj de sxiaj manoj; Kaj sxiaj faroj sxin gloros cxe la pordegoj.