Read La Sankta Biblio, sen Ĉapelo esparanto Sentencoj 4 Bible Online

Sentencoj 4 - La Sankta Biblio, sen Ĉapelo esparanto bible

Sentencoj 4

¹Auxskultu, infanoj, la instruon de la patro, Kaj atentu, por lerni prudenton;

²Cxar bonan instruon mi donis al vi; Mian legxon ne forlasu.

³Cxar mi estis filo de mia patro, Dorlotata kaj sola de mia patrino.

⁴Kaj li instruis min, kaj diris al mi: Via koro akceptu miajn vortojn; Observu miajn ordonojn, kaj vi vivos.

⁵Akiru sagxon, akiru prudenton; Ne forgesu, kaj ne deflankigxu de la paroloj de mia busxo.

⁶Ne forlasu gxin, kaj gxi vin gardos; Amu gxin, kaj gxi zorgos pri vi.

⁷La komenco de sagxo estas: akiru sagxon; Kaj por via tuta havo akiru prudenton.

⁸Sxatu gxin alte, kaj gxi vin altigos; Kaj gxi donos al vi honoron, se vi gxin enbrakigos.

⁹Gxi donos cxarman ornamon al via kapo; Belan kronon gxi donacos al vi.

¹⁰Auxskultu, mia filo, kaj akceptu miajn vortojn; Kaj multigxos la jaroj de via vivo.

¹¹Mi kondukos vin laux la vojo de sagxo; Mi irigos vin sur rekta vojstreko.

¹²Kiam vi iros, via irado ne estos malfaciligata; Kaj kiam vi kuros, vi ne falpusxigxos.

¹³Tenu forte la instruon, ne forlasu gxin; Konservu gxin, cxar gxi estas via vivo.

¹⁴La vojstrekon de malpiuloj ne iru, Kaj ne ekpasxu sur la vojo de malbonuloj;

¹⁵Evitu gxin, ne trapasu gxin; Flankigxu de gxi, kaj preterpasu.

¹⁶Cxar ili ne ekdormas, se ili ne faris malbonon; Kaj ili perdas la dorman ripozon, se ili ne pekigis;

¹⁷Cxar ili mangxas panon de malpio Kaj trinkas vinon de krimo.

¹⁸Kaj la vojo de piuloj estas kiel lumo levigxanta, Kiu cxiam pli lumas gxis plena tagigxo.

¹⁹La vojo de malpiuloj estas kiel mallumo; Ili ne scias, je kio ili falpusxigxos.

²⁰Mia filo, atentu miajn vortojn; Klinu vian orelon al miaj paroloj.

²¹Ili ne forigxu de viaj okuloj; Gardu ilin en via koro.

²²Cxar ili estas vivo por tiuj, kiuj ilin trovis, Kaj sanigaj por ilia tuta korpo.

²³Pli ol cxion gardatan, gardu vian koron; Cxar el gxi eliras la vivo.

²⁴Forigu de vi falsemon de la busxo, Kaj malicon de la lipoj malproksimigu de vi.

²⁵Viaj okuloj rigardu rekte, Kaj viaj palpebroj direktigxu rekte antauxen.

²⁶Fortikigu la direkton de viaj piedoj, Kaj cxiuj viaj vojoj estu firmaj.

²⁷Ne sxanceligxu dekstren, nek maldekstren; Forigu de malbono vian piedon.