Read La Sankta Biblio, sen Ĉapelo esparanto Sentencoj 9 Bible Online

Sentencoj 9 - La Sankta Biblio, sen Ĉapelo esparanto bible

Sentencoj 9

¹La sagxo konstruis sian domon, Cxarpentis gxiajn sep kolonojn.

²Gxi bucxis sian bruton, versxis sian vinon, Kaj pretigis sian tablon.

³Gxi sendis siajn servantinojn, Por anonci sur la pintoj de la altajxoj de la urbo:

⁴Kiu estas naiva, tiu sin turnu cxi tien! Al la senspritulo gxi diris:

⁵Venu, mangxu de mia pano, Kaj trinku el la vino, kiun mi enversxis.

⁶Forlasu la malsagxajxon, kaj vivu; Kaj iru laux la vojo de la prudento.

⁷Kiu instruas blasfemanton, tiu prenas sur sin malhonoron; Kaj kiu penas gxustigi malpiulon, tiu estas mokata.

⁸Ne penu gxustigi blasfemanton, ke li vin ne malamu: Penu gxustigi sagxulon, kaj li vin amos.

⁹Donu al sagxulo, kaj li ankoraux pli sagxigxos; Instruu justulon, kaj li lernos pli.

¹⁰La komenco de la sagxo estas timo antaux la Eternulo; Kaj ekkono pri la Sanktulo estas prudento.

¹¹Cxar per mi plimultigxos viaj tagoj, Kaj aldonigxos al vi jaroj da vivo.

¹²Se vi sagxigxis, vi sagxigxis por vi; Kaj se vi blasfemas, vi sola suferos.

¹³Virino malsagxa, bruema, Sensprita, kaj nenion scianta,

¹⁴Sidas cxe la pordo de sia domo, Sur segxo sur altajxo de la urbo,

¹⁵Por voki la pasantojn, Kiuj iras sian gxustan vojon:

¹⁶Kiu estas naiva, tiu sin turnu cxi tien! Kaj al la senspritulo sxi diris:

¹⁷Akvoj sxtelitaj estas dolcxaj, Kaj pano kasxita estas agrabla.

¹⁸Kaj li ne scias, ke tie estas mortintoj Kaj ke sxiaj invititoj estas en la profundoj de Sxeol.