Read La Sankta Biblio, sen Ĉapelo esparanto Predikanto 10 Bible Online

Predikanto 10 - La Sankta Biblio, sen Ĉapelo esparanto bible

Predikanto 10

¹Venenaj musxoj putrigas kaj haladzigas la oleon de parfumisto; pli sxatata ol sagxo kaj honoro ofte estas malgranda malsagxajxo.

²La koro de sagxulo estas cxe lia dekstra flanko, kaj la koro de malsagxulo cxe lia maldekstra.

³Kaj ecx en la vojo, laux kiu iras malsagxulo, mankas al li sagxo, kaj al cxiu li diras, ke li estas malsagxulo.

⁴Se atakos vin kolero de reganto, ne forlasu vian lokon, cxar mildeco pardonigas ecx grandajn krimojn.

⁵Ekzistas malbono, kiun mi vidis sub la suno; gxi estas kvazaux eraro, venanta de la reganto:

⁶senscieco estas metata tre alte, kaj la ricxuloj sidas malalte.

⁷Mi vidis sklavojn sur cxevaloj, kaj princojn, irantajn piede, kiel sklavoj.

⁸Kiu fosas kavon, tiu falos en gxin; kaj kiu detruas muron, tiun mordos serpento.

⁹Kiu transmovas sxtonojn, tiu faras al si difekton per strecxo; kaj kiu hakas lignon, tiu sin vundas per gxi.

¹⁰Se malakrigxis la hakilo, kaj oni ne akrigas la trancxan flankon, oni devas strecxi la fortojn; kaj la cxefajxo estas prepari cxion sagxe.

¹¹Se mordis la serpento sen kuracparolo, tiam jam ne utilas kuracparolanto.

¹²Vortoj el busxo de sagxulo estas agrablaj, sed la busxo de malsagxulo lin mem pereigas.

¹³La komenco de la parolo de lia busxo estas malsagxajxo, kaj la fino de lia parolo estas abomeninda sensencajxo.

¹⁴Malsagxulo multe parolas, kvankam homo ne scias, kio estos; kaj kio estos post li? kiu cxi tion diros al li?

¹⁵Penado de malsagxuloj lacigas cxiun, kiu ne scias ecx la vojon al la urbo.

¹⁶Ve al vi, ho lando, se via regxo estas infano kaj viaj princoj mangxas frue!

¹⁷Felicxa vi estas, ho lando, se via regxo estas de nobla deveno kaj viaj princoj mangxas en gxusta tempo, por fortigxi, ne por festeni!

¹⁸De mallaboremeco falos la plafono; kaj, se oni mallevas la manojn, tramalsekigxas la domo.

¹⁹Por plezuro oni arangxas festenojn, kaj vino gajigas la vivon, kaj mono respondas por cxio.

²⁰Ecx en viaj pensoj ne malbenu la regxon, kaj en via dormocxambro ne malbenu ricxulon; cxar birdo cxiela transportos vian vocxon, kaj flugila estajxo eldiros vian parolon.