Read La Sankta Biblio, sen Ĉapelo esparanto Predikanto 7 Bible Online

Predikanto 7 - La Sankta Biblio, sen Ĉapelo esparanto bible

Predikanto 7

¹Pli bona estas bona nomo, ol bona oleo; kaj la tago de la morto estas pli bona, ol la tago de la naskigxo.

²Pli bone estas iri en domon de funebro, ol iri en domon de festenado; cxar morto estas la fino de cxiu homo, kaj la vivanto notos cxi tion en sia koro.

³Pli bona estas plendo, ol rido; cxar cxe malgxojo de la vizagxo plibonigxas la koro.

⁴La koro de sagxuloj estas en domo de funebro, kaj la koro de malsagxuloj en domo de gxojo.

⁵Pli bone estas auxskulti riprocxon de sagxulo, ol auxskulti kanton de malsagxuloj.

⁶Cxar simila al la kraketado de dornoj sub poto estas la ridado de la malsagxuloj; kaj vantajxo gxi estas.

⁷Cxar perforteco forprenas la sagxon de sagxulo, kaj la prudenton malbonigas donaco.

⁸La fino de afero estas pli bona, ol gxia komenco; pacienculo estas pli bona, ol malhumilulo.

⁹Ne rapidu koleri en via spirito; cxar koleremeco logxas en la brusto de malsagxuloj.

¹⁰Ne diru: Kial la antauxaj tagoj estis pli bonaj, ol la nunaj? cxar ne el sagxeco vi cxi tion demandus.

¹¹Bona estas sagxeco kune kun hereda havo, kaj gxi estas profita al tiuj, kiuj vidas la sunon.

¹²Cxar la sagxeco estas sxirmo tiel same, kiel mono estas sxirmo; sed la supereco de scienco konsistas en tio, ke la sagxeco donas vivon al sia posedanto.

¹³Rigardu la faron de Dio; cxar kiu povas tion rektigi, kion Li kurbigis?

¹⁴En la tago de bonstato uzu la bonstaton, kaj en la tago de malfelicxo atendu: cxi tion kaj tion arangxis Dio, por ke la homo nenion komprenu post Li.

¹⁵Cxion tion mi vidis en miaj vantaj tagoj: okazas, ke virtulo pereas cxe sia virteco, kaj okazas, ke malvirtulo longe vivas cxe sia malvirteco.

¹⁶Ne estu tro virta, kaj ne rezonu tro multe: kial vi devas vin konfuzi?

¹⁷Ne malvirtu tro multe, kaj ne estu senprudenta: kial vi devas morti ne en via tempo?

¹⁸Bone estas, se vi tenos vin je unu afero kaj ankaux de alia afero vi ne forprenos vian manon; cxar tiu, kiu timas Dion, penas placxi al cxiuj.

¹⁹La sagxeco faras la sagxulon pli forta, ol dek potenculoj en la urbo.

²⁰Cxar ne ekzistas sur la tero virtulo, kiu farus nur bonon kaj ne pekus.

²¹Ne cxiujn vortojn, kiujn oni diras, atentu en via koro, por ke vi ne auxdu vian sklavon malbenanta vin:

²²cxar multajn fojojn konsciis via koro, ke ankaux vi malbenis aliajn.

²³Cxion cxi tion mi provis per mia sagxo; mi diris al mi: Mi akiru sagxon; tamen gxi estas malproksima de mi.

²⁴Kio estas malproksima kaj tre profunda, kiu tion komprenos?

²⁵Mi turnis min kun mia koro, por ekkoni, esplori, kaj trasercxi sagxecon kaj prudenton, kaj ekscii, ke la malvirteco estas malsagxeco kaj ke la senscieco estas sensenca.

²⁶Kaj mi trovas, ke pli malbona ol la morto estas la virino, kiu estas kaptilo, kaj kies koro estas reto, kaj kies manoj estas katenoj; tiu, kiu placxas al Dio, sin savos de sxi, sed pekulo estos kaptita de sxi.

²⁷Jen, kion mi trovis, diris la Predikanto: oni devas kunigi unu fakton kun alia, por veni al konkludo.

²⁸Jen, kion ankoraux sercxis mia animo kaj ne trovis: viron unu inter mil mi trovis, sed virinon inter cxiuj mi tute ne trovis.

²⁹Nur cxi tion mi trovis, ke Dio kreis la homon virtema; sed la homoj fordonis sin al multaj artifikoj.