Read La Sankta Biblio, sen Ĉapelo esparanto Alta Kanto 6 Bible Online

Alta Kanto 6 - La Sankta Biblio, sen Ĉapelo esparanto bible

Alta Kanto 6

¹Kien foriris via amato, Ho belulino inter virinoj? Kien forturnigxis via amato, Por ke ni lin sercxu kun vi?

²Mia amato iris en sian gxardenon, al la bedoj de aromajxoj, Por pasxti en la gxardenoj kaj kolekti rozojn.

³Mi apartenas al mia amato, kaj mia amato apartenas al mi; Tiu, kiu pasxtas inter la rozoj.

⁴Ho, mia amatino, vi estas bela kiel Tirca, Agrabla kiel Jerusalem, Terura kiel batalantaj tacxmentoj.

⁵Forturnu la okulojn for de mi, Cxar ili venkas min. Viaj haroj estas kiel aro da kaprinoj, Deirantaj sur la deklivo de la monto Gilead.

⁶Viaj dentoj estas kiel aro da sxafinoj, Kiuj elvenas el la lavejo; Cxiuj estas en paroj, Kaj ne mankas ecx unu el ili.

⁷Kiel peco de granato, viaj vangoj aspektas Malantaux via vualo.

⁸Da regxinoj ekzistas sesdek, kaj okdeko da kromvirinoj, Kaj la junulinoj estas sennombraj.

⁹Sed unu sola estas mia kolombino, mia virtulino; Sxi estas la sola cxe sia patrino, La elektita de sia naskintino; La filinoj vidis sxin, kaj nomas sxin felicxulino; La regxinoj kaj la kromvirinoj lauxdas sxin, dirante:

¹⁰Kiu estas sxi, kiu aspektas kiel la matenrugxo, Bela kiel la luno, Hela kiel la suno, Terura kiel batalantaj tacxmentoj?

¹¹Mi iris en la nuksarban gxardenon, Por trarigardi la verdajn kreskajxojn de la valo, Por vidi, cxu la vinbertrunko burgxonas, cxu la granatarboj floras.

¹²Tiam mi ankoraux ne sciis, Ke mia animo elektos min por la cxaroj de la nobeloj de mia popolo.

¹³Turnigxu, turnigxu, ho Sxulamit; Turnigxu, turnigxu, ke ni rigardu vin. Kial vi volas rigardi Sxulamiton tiel, Kiel oni rigardas la dancadon de la tacxmentoj?