Read La Sankta Biblio, sen Ĉapelo esparanto Alta Kanto 8 Bible Online

Alta Kanto 8 - La Sankta Biblio, sen Ĉapelo esparanto bible

Alta Kanto 8

¹Ho, se vi estus al mi kiel frato, Kiu sucxis la mamojn de mia patrino! Se mi renkontus vin ekstere, mi kisus vin; Kaj tamen neniu malestimus min.

²Mi gvidus vin, mi enkondukus vin en la domon de mia patrino; Vi instruus min, Kaj mi trinkigus al vi la spicitan vinon kaj la granatsukon.

³Lia maldekstra mano estu sub mia kapo, Kaj lia dekstra cxirkauxprenu min!

⁴Mi jxurligas vin, ho filinoj de Jerusalem, Ne veku nek sendormigu la amatinon, Gxis sxi mem volos.

⁵Kiu estas sxi, kiu venas el la dezerto, Sin apogante sur sia amato? Sub la pomarbo mi vekis vin; Tie, kie via patrino vin naskis, Kie vin naskis via naskintino.

⁶Konservu min kiel sigelon en via koro, kiel sigelon sur via brako; Cxar la amo estas forta kiel la morto; La jxaluzo estas nefleksebla kiel Sxeol; Gxiaj brulajxoj estas brulajxoj de fajro, La flamo de la Eternulo.

⁷Granda akvo ne povas estingi la amon, Kaj riveroj ne povas superakvi gxin; Se homo proponus doni la tutan havajxon de sia domo por la amo, Oni malestime lin forpusxus.

⁸Nia fratino ankoraux estas malgranda, Kaj mamojn sxi ankoraux ne havas; Kion ni faros al nia fratino, Kiam oni svatos sxin?

⁹Se sxi estos muro, ni konstruos sur sxi argxentan palacon; Kaj se sxi estos pordo, ni cxirkauxbaros sxin per traboj el cedro.

¹⁰Mi estas muro, kaj miaj mamoj kiel turoj; Mi jam estis al li kiel iu, kiu trovis favoron.

¹¹Salomono posedis vinbergxardenon en Baal-Hamon; Li luigis la vinbergxardenon al gardistoj; Cxiu devas alporti milon da argxentaj moneroj pro gxiaj fruktoj.

¹²Mia propra vinbergxardeno estas antaux mi. La milon al vi, ho Salomono, Kaj ducent al la gardistoj de gxiaj fruktoj.

¹³Ho vi, logxantino de la gxardenoj, La kamaradoj volas auxskulti vian vocxon; Al mi gxin auxdigu.

¹⁴Forkuru, ho mia amato, Kaj similigxu al gazelo aux al cervo Sur la montoj de aromajxoj.