Read La Sankta Biblio, sen Ĉapelo esparanto Jesaja 38 Bible Online

Jesaja 38 - La Sankta Biblio, sen Ĉapelo esparanto bible

Jesaja 38

¹En tiu tempo Hxizkija morte malsanigxis; kaj venis al li la profeto Jesaja, filo de Amoc, kaj diris al li: Tiele diras la Eternulo: Faru testamenton pri via domo, cxar vi mortos kaj ne vivos.

²Tiam Hxizkija turnis sian vizagxon al la muro, kaj ekpregxis al la Eternulo,

³kaj diris: Mi petas, ho Eternulo, rememoru, ke mi iradis antaux Vi kun vero kaj koro fidela, kaj mi faradis tion, kio placxas al Vi. Kaj Hxizkija lauxte ekploris.

⁴Tiam aperis la vorto de la Eternulo al Jesaja jene:

⁵Iru, kaj diru al Hxizkija: Tiele diras la Eternulo, Dio de via patro David: Mi auxdis vian pregxon, Mi vidis viajn larmojn; jen Mi aldonos al via vivo dek kvin jarojn.

⁶Kaj kontraux la mano de la regxo de Asirio Mi savos vin kaj cxi tiun urbon, kaj Mi defendos cxi tiun urbon.

⁷Kaj jen estas por vi la pruvosigno de la Eternulo, ke la Eternulo plenumos tion, kion Li diris:

⁸jen la hormontran ombron, kiu malsuprigxis sur la suna hormontrilo de Ahxaz, Mi retiros malantauxen je dek gradoj. Kaj la suno retirigxis je dek gradoj laux la gradaro, laux kiu gxi malsuprigxis.

⁹Jen estas la skribo de Hxizkija, regxo de Judujo, kiam li malsanigxis kaj eliris viva el sia malsano:

¹⁰Mi pensis, ke en la mezo de mia vivo mi malsupreniros en la pordegon de Sxeol, Ke mi estos senigita je la resto de miaj jaroj;

¹¹Mi pensis, ke mi ne plu vidos Dion, la Eternulon, sur la tero de la vivantoj, Ke mi ne plu rigardos homon inter la logxantoj de la vantejo;

¹²Ke mia estado demovigxas, kaj forportigxas de mi kiel tendo de pasxtisto; Ke mi finteksis mian vivon kiel teksisto, kaj Li detrancxos min de la teksbazo; Ke antaux ol la tago cedos al la nokto, Vi faros al mi finon.

¹³Mi atendis gxis mateno, ke simile al leono Li frakasos cxiujn miajn ostojn, Ke antaux ol la tago cedos al la nokto, Vi faros al mi finon.

¹⁴Kiel hirundo plendanta mi plorpepis, mi gxemis kiel kolombo; Miaj okuloj estis direktitaj malsupren: Ho Eternulo, mi suferas, protektu min!

¹⁵Kion mi diru? Li promesis ja al mi, kaj Li faris. Nun mi pasigos cxiujn miajn jarojn, memorante la premitecon de mia animo.

¹⁶Ho Sinjoro, per tio vivas la homoj, Kaj en cxio cxi tio estas la vivo de mia spirito: Vi resanigis min, kaj konservis al mi la vivon.

¹⁷Jen en bonon aliformigxis mia sufero; Vi ame eltiris mian animon el pereo, Cxar Vi jxetis malantaux Vin cxiujn miajn pekojn.

¹⁸Cxar ne Sxeol Vin gloros, ne la morto Vin lauxdos; La irantaj en la terinternon ne esperos Vian verecon.

¹⁹La vivanto, nur la vivanto Vin gloros, kiel mi hodiaux; Patro al la filoj konigos Vian verecon.

²⁰La Eternulo min helpas; Kaj miajn kantojn ni kantados Dum nia tuta vivo en la domo de la Eternulo.

²¹Kaj Jesaja diris: Oni alportu dispremitan figon kaj metu sur la sxvelajxon, kaj li estos sanigita.

²²Kaj Hxizkija diris: Kia estas la signo, ke mi iros en la domon de la Eternulo?