Read La Sankta Biblio, sen Ĉapelo esparanto Jesaja 39 Bible Online

Jesaja 39 - La Sankta Biblio, sen Ĉapelo esparanto bible

Jesaja 39

¹En tiu tempo Merodahx-Baladan, filo de Baladan, regxo de Babel, sendis leteron kaj donacojn al Hxizkija; cxar li auxdis, ke li estis malsana kaj resanigxis.

²Kaj Hxizkija gxojis pri ili, kaj montris al ili sian trezorejon, la argxenton kaj la oron kaj la aromajxojn kaj la karan oleon kaj sian tutan armilejon, kaj cxion, kio trovigxis en liaj trezorejoj; estis nenio, kion Hxizkija ne montrus al ili en sia domo kaj en sia tuta posedajxo.

³Kaj venis la profeto Jesaja al la regxo Hxizkija, kaj diris al li: Kion parolis tiuj homoj? kaj de kie ili venis al vi? Kaj Hxizkija diris: El lando malproksima ili venis al mi, el Babel.

⁴Kaj li diris: Kion ili vidis en via domo? Kaj Hxizkija respondis: Cxion, kio estas en mia domo, ili vidis; estis nenio, kion mi ne montrus al ili en miaj trezorejoj.

⁵Tiam Jesaja diris al Hxizkija: Auxskultu la diron de la Eternulo Cebaot:

⁶Jen venos tagoj, kaj cxio, kio estas en via domo kaj kion kolektis viaj patroj gxis la nuna tago, estos forportata en Babelon; nenio restos, diras la Eternulo.

⁷Kaj el viaj filoj, kiuj devenos de vi, kiujn vi naskigos, oni prenos; kaj ili estos korteganoj en la palaco de la regxo de Babel.

⁸Kaj Hxizkija diris al Jesaja: Bona estas la vorto de la Eternulo, kiun vi diris. Kaj li diris plue: Estu nur paco kaj vero en mia tempo.