Read La Sankta Biblio, sen Ĉapelo esparanto Jesaja 8 Bible Online

Jesaja 8 - La Sankta Biblio, sen Ĉapelo esparanto bible

Jesaja 8

¹Kaj la Eternulo diris al mi: Prenu al vi grandan skribtabulon, kaj skribu sur gxi per homa skribilo: Rapidu akiri, baldaux rabado.

²Kaj mi prenis al mi du fidindajn atestantojn: la pastron Urija, kaj Zehxarjan, filon de Jeberehxja.

³Kaj mi iris al la profetino, kaj sxi gravedigxis kaj naskis filon. Kaj la Eternulo diris al mi: Donu al li la nomon: Rapidu-Akiri-Baldaux-Rabado.

⁴Cxar antaux ol la knabo povoscios voki: Mia patro, kaj Mia patrino, la ricxajxon de Damasko kaj la rabakiron de Samario oni portos antaux la regxo de Asirio.

⁵Kaj plue la Eternulo parolis al mi, dirante:

⁶Pro tio, ke cxi tiu popolo malsxatis la akvon de Sxiloahx, kiu fluas kviete, kaj gxojas pro Recin kaj pro la filo de Remalja:

⁷pro tio la Sinjoro jen venigos sur ilin la akvon de la Rivero, la forta kaj granda, la regxon de Asirio kaj lian tutan gloron; kaj gxi levigxos super cxiujn siajn kusxujojn kaj iros super cxiujn siajn bordojn.

⁸Kaj gxi enpenetros en Judujon, inundos, levigxos, kaj atingos gxis la kolo; kaj gxi etendos siajn flugilojn kaj plenigos vian tutan landon, ho Emanuel.

⁹Koleru, ho popoloj, tamen vi ektimos; atentu, vi cxiuj en la malproksimaj landoj; armu vin, sed vi ektimos; armu vin, sed vi ektimos.

¹⁰Pripensu entreprenon, sed gxi neniigxos; parolu vortojn, sed ili ne plenumigxos, cxar kun ni estas Dio.

¹¹Cxar tiel diris al mi la Eternulo, tenante la manon sur mi, kaj Li instruis al mi, ke mi ne iru la vojon de tiu popolo, kaj Li diris:

¹²Ne nomu konspiro cxion tion, kion tiu popolo nomas konspiro; kaj tion, kion gxi timas, ne timu, kaj tio vin ne teruru.

¹³La Eternulo Cebaot estu por vi sankta; Lin vi timu, kaj Li estu por vi terura.

¹⁴Li estos sanktajxo kaj sxtono de falpusxigxo kaj roko de alfrapigxo por la du domoj de Izrael, kaptilo kaj falilo por la logxantoj de Jerusalem.

¹⁵Kaj multaj falpusxigxos, kaj falos kaj rompigxos, kaj enretigxos kaj kaptigxos.

¹⁶Ligu la ateston, sigelu la legxon cxe Miaj lernantoj.

¹⁷Kaj mi atendas la Eternulon, kiu kasxis Sian vizagxon antaux la domo de Jakob, kaj mi esperas al Li.

¹⁸Jen, mi kaj la infanoj, kiujn la Eternulo donis al mi, estas kiel signoj kaj atentigiloj en Izrael de la Eternulo Cebaot, kiu logxas sur la monto Cion.

¹⁹Kaj se oni diros al vi: Demandu la antauxdiristojn kaj la sorcxistojn, la flustristojn kaj la murmuretistojn, cxar popolo ja demandas sian Dion, per la mortintoj por la vivantoj:

²⁰tiam al la instruo kaj al la atesto! se ili ne diros konforme al tio, ili ne havos matenan cxielrugxon.

²¹Ili irados sur gxi premataj kaj malsataj; kaj kiam ili estos malsataj, ili koleros kaj insultos sian regxon kaj sian Dion, kaj rigardos supren.

²²Kaj la teron ili rigardos, kaj ili vidos mizeron kaj mallumon, premantan mallumon, kaj en la mallumon ili estos pusxataj.