Read La Sankta Biblio, sen Ĉapelo esparanto Jeremia 1 Bible Online

Jeremia 1 - La Sankta Biblio, sen Ĉapelo esparanto bible

Jeremia 1

¹Paroloj de Jeremia, filo de Hxilkija, el la pastroj, kiuj estis en Anatot, en la lando de Benjamen;

²al kiu aperis la vorto de la Eternulo en la tempo de Josxija, filo de Amon, regxo de Judujo, en la dek-tria jaro de lia regxado,

³kaj poste en la tempo de Jehojakim, filo de Josxija, regxo de Judujo, gxis la fino de la dek-unua jaro de Cidkija, filo de Josxija, regxo de Judujo, gxis la forkonduko de la Jerusalemanoj en la kvina monato.

⁴Aperis al mi la vorto de la Eternulo, dirante:

⁵Antaux ol Mi formis vin en la utero, Mi vin konis, kaj antaux ol vi eliris el la ventro, Mi vin sanktigis, Mi faris vin profeto por la popoloj.

⁶Mi diris: Ho ve, Sinjoro, ho Eternulo! mi ne povoscias paroli, cxar mi estas juna.

⁷Sed la Eternulo diris al mi: Ne diru, ke vi estas juna; sed cxien, kien Mi sendos vin, iru, kaj cxion, kion Mi ordonos al vi, parolu.

⁸Ne timu ilin; cxar Mi estas kun vi, por savi vin, diras la Eternulo.

⁹Kaj la Eternulo etendis Sian manon kaj ektusxis mian busxon, kaj la Eternulo diris al mi: Jen Mi enmetis Miajn vortojn en vian busxon.

¹⁰Vidu, Mi starigas vin hodiaux super la popoloj kaj super la regnoj, por elsxiri, rompi, pereigi, kaj detrui, por konstrui kaj planti.

¹¹Kaj aperis al mi la vorto de la Eternulo, dirante: Kion vi vidas, Jeremia? Kaj mi diris: Mi vidas bastonon maldormantan.

¹²Kaj la Eternulo diris al mi: Vi vidis bone; cxar Mi maldormos pri Mia vorto, por plenumi gxin.

¹³Kaj duafoje aperis al mi la vorto de la Eternulo, dirante: Kion vi vidas? Kaj mi diris: Mi vidas flame bolantan poton, kaj gxi rigardas de norde.

¹⁴Kaj la Eternulo diris al mi: De norde venos la malfelicxo sur cxiujn logxantojn de la lando.

¹⁵Cxar jen Mi alvokos cxiujn gentojn de la nordaj regnoj, diras la Eternulo, kaj ili venos kaj starigos cxiu sian tronon antaux la pordegoj de Jerusalem kaj cxirkaux gxiaj muregoj kaj antaux cxiuj urboj de Judujo.

¹⁶Kaj Mi eldiros Mian verdikton pri ili pro cxiuj iliaj malbonagoj, pro tio, ke ili forlasis Min kaj incensis al aliaj dioj kaj adorklinigxis antaux la faritajxo de siaj manoj.

¹⁷Kaj vi zonu viajn lumbojn, levigxu, kaj diru al ili cxion, kion Mi ordonas al vi; ne tremu antaux ili, por ke Mi ne tremigu vin antaux ili.

¹⁸Jen Mi faras vin hodiaux fortikigita urbo, fera kolono, kaj kupraj muroj en la tuta lando, kontraux la regxoj de Judujo, kontraux gxiaj princoj, kontraux gxiaj pastroj, kaj kontraux la popolo de la lando.

¹⁹Ili batalos kontraux vi, sed ne venkos vin; cxar Mi estas kun vi, diras la Eternulo, por savi vin.