Read La Sankta Biblio, sen Ĉapelo esparanto Jeremia 28 Bible Online

Jeremia 28 - La Sankta Biblio, sen Ĉapelo esparanto bible

Jeremia 28

¹En tiu sama jaro, en la komenco de la regxado de Cidkija, regxo de Judujo, en la kvara jaro, en la kvina monato, Hxananja, filo de Azur, profeto el Gibeon, diris al mi en la domo de la Eternulo, antaux la okuloj de la pastroj kaj de la tuta popolo, jene:

²Tiele diras la Eternulo Cebaot, Dio de Izrael: Mi rompos la jugon de la regxo de Babel;

³post du jaroj Mi revenigos sur cxi tiun lokon cxiujn vazojn de la domo de la Eternulo, kiujn Nebukadnecar, regxo de Babel, prenis de cxi tiu loko kaj forportis en Babelon.

⁴Kaj Jehxonjan, filon de Jehojakim, regxon de Judujo, kaj cxiujn forkondukitajn Judojn, kiuj venis en Babelon, Mi revenigos sur cxi tiun lokon, diras la Eternulo; cxar Mi rompos la jugon de la regxo de Babel.

⁵Tiam la profeto Jeremia respondis al la profeto Hxananja antaux la okuloj de la pastroj, kaj de la tuta popolo, kiu staris en la domo de la Eternulo;

⁶kaj la profeto Jeremia diris: Amen, tiel la Eternulo faru; la Eternulo plenumu viajn vortojn, kiujn vi profetis, kaj Li revenigu el Babel sur cxi tiun lokon la vazojn de la domo de la Eternulo kaj cxiujn forkondukitojn.

⁷Tamen auxskultu la vorton, kiun mi diros en viajn orelojn kaj en la orelojn de la tuta popolo:

⁸La profetoj, kiuj de antikva tempo estis antaux mi kaj antaux vi, profetis al multaj landoj kaj al grandaj regnoj militon, malfelicxon, aux peston.

⁹Se profeto antauxdiris pacon, tiam post la plenumigxo de la vorto de la profeto oni ekkonis lin kiel profeton, kiun vere sendis la Eternulo.

¹⁰Kaj la profeto Hxananja deprenis la jugon de la kolo de la profeto Jeremia kaj rompis gxin.

¹¹Kaj Hxananja diris antaux la okuloj de la tuta popolo jene: Tiele diras la Eternulo: Simile al cxi tio Mi rompos la jugon de Nebukadnecar, regxo de Babel, post du jaroj, deprenante gxin de la kolo de cxiuj popoloj. Kaj la profeto Jeremia iris sian vojon.

¹²Kaj aperis jena vorto de la Eternulo al Jeremia, post kiam la profeto Hxananja forrompis la jugon de la kolo de la profeto Jeremia:

¹³Iru kaj diru al Hxananja jene: Tiele diras la Eternulo: Jugon lignan vi rompis, sed vi faru anstataux gxi jugon feran.

¹⁴Cxar tiele diras la Eternulo Cebaot, Dio de Izrael: Feran jugon Mi metis sur la kolon de cxiuj tiuj popoloj, ke ili servu al Nebukadnecar, regxo de Babel, kaj ili servos al li; ecx la bestojn de la kampo Mi transdonis al li.

¹⁵Tiam la profeto Jeremia diris al la profeto Hxananja: Auxskultu, Hxananja; la Eternulo vin ne sendis, kaj vi kredigas al cxi tiu popolo malverajxon.

¹⁶Pro tio tiele diras la Eternulo: Jen Mi forigos vin de sur la tero; en cxi tiu jaro vi mortos, cxar vi parolis kontraux la volo de la Eternulo.

¹⁷Kaj la profeto Hxananja mortis en tiu jaro, en la sepa monato.