Read La Sankta Biblio, sen Ĉapelo esparanto Lamentado 5 Bible Online

Lamentado 5 - La Sankta Biblio, sen Ĉapelo esparanto bible

Lamentado 5

¹Rememoru, ho Eternulo, kio farigxis al ni; Rigardu kaj vidu nian malhonoron!

²Nia heredajxo transiris al fremduloj, Niaj domoj al aligentuloj.

³Ni farigxis orfoj senpatraj, Niaj patrinoj estas kiel vidvinoj.

⁴Nian akvon ni trinkas pro mono; Nian lignon ni ricevas nur pro pago.

⁵Oni pelas nin je nia kolo; Ni lacigxis, sed oni ne permesas al ni ripozi.

⁶Al Egiptujo ni etendis la manon, Al Asirio, por satigxi per pano.

⁷Niaj patroj pekis, sed ili jam ne ekzistas; Kaj ni devas suferi pro iliaj malbonagoj.

⁸Sklavoj regas super ni; Kaj neniu liberigas nin el iliaj manoj.

⁹Kun dangxero por nia vivo ni akiras nian panon, Pro la glavo en la dezerto.

¹⁰Nia hauxto varmegigxis kiel forno, Por la kruela malsato.

¹¹La virinojn en Cion ili senhonorigis, La virgulinojn en la urboj de Judujo.

¹²La princoj estas pendigitaj je siaj manoj; La maljunulojn oni ne respektis.

¹³La junuloj devas porti muelsxtonojn; La knaboj falas sub la lignosxargxoj.

¹⁴La maljunuloj jam ne sidas cxe la pordegoj, La junuloj jam ne kantas.

¹⁵Malaperis la gajeco de nia koro; Niaj dancrondoj aliformigxis en funebron.

¹⁶Defalis la krono de nia kapo; Ho ve al ni, ke ni pekis!

¹⁷Pro tio senfortigxis nia koro, Pro tio senlumigxis niaj okuloj:

¹⁸Pro la monto Cion, ke gxi farigxis dezerta, Ke vulpoj vagas sur gxi.

¹⁹Sed Vi, ho Eternulo, kiu restas eterne Kaj kies trono staras de generacio al generacio,

²⁰Kial Vi forgesis nin kvazaux por eterne, Forlasis nin por longa tempo?

²¹Reirigu nin, ho Eternulo, al Vi, ke ni revenu; Renovigu niajn tagojn kiel en la tempo antauxa.

²²Cxar cxu Vi nin tute forpusxis? Vi tre forte ekkoleris kontraux ni.