Read La Sankta Biblio, sen Ĉapelo esparanto Jehezkel 48 Bible Online

Jehezkel 48 - La Sankta Biblio, sen Ĉapelo esparanto bible

Jehezkel 48

¹Jen estas la nomoj de la triboj: de la norda rando laux la vojo al Hxetlon, en la direkto al Hxamat, Hxacar-Enan, norde de la limo de Damasko gxis Hxamat; cxi tiu regiono de oriente gxis okcidente apartenos sole al Dan.

²Kaj apud la limo de Dan, de la orienta rando gxis la okcidenta, havos sian parton Asxer.

³Apud la limo de Asxer, de la orienta rando gxis la okcidenta, havos sian parton Naftali.

⁴Apud la limo de Naftali, de la orienta rando gxis la okcidenta, havos sian parton Manase.

⁵Apud la limo de Manase, de la orienta rando gxis la okcidenta, havos sian parton Efraim.

⁶Apud la limo de Efraim, de la orienta rando gxis la okcidenta, havos sian parton Ruben.

⁷Apud la limo de Ruben, de la orienta rando gxis la okcidenta, havos sian parton Jehuda.

⁸Apud la limo de Jehuda, de la orienta rando gxis la okcidenta, estos la konsekrita terpeco, kiun vi apartigos, kaj kiu havos la largxon de dudek kvin mil mezurstangoj kaj la longon kiel unu el la partoj de la orienta rando gxis la okcidenta, kaj en kies mezo estos la sanktejo.

⁹La apartigita terpeco, kiun vi konsekros al la Eternulo, havos la longon de dudek kvin mil kaj la largxon de dek mil.

¹⁰Kaj la sankta terpeco estos por la pastroj, havante norden dudek kvin mil, kaj okcidenten la largxon de dek mil, orienten la largxon de dek mil, kaj suden la longon de dudek kvin mil; kaj en gxia mezo estos la sanktejo de la Eternulo.

¹¹Gxi estu sanktigita por la pastroj el la filoj de Cadok, kiuj plenumadis Mian servadon kaj ne defalis de Mi dum la defalo de la Izraelidoj, kiel defalis la Levidoj.

¹²Kaj al ili estos apartigita parto el la konsekrita terpeco, kiel plejsanktajxo, apud la limo de la Levidoj.

¹³Kaj la Levidoj havos apud la limo de la pastroj dudek kvin mil da longo kaj dek mil da largxo; la tuta longo estos dudek kvin mil, kaj la largxo estos dek mil.

¹⁴Ili nenion devas vendi el tio, nek intersxangxi; la unuaajxo de la lando devas ne transiri, cxar gxi estas konsekrita al la Eternulo.

¹⁵La ceteraj kvin mil da largxo kun dudek kvin mil da longo estas nekonsekrita apartenajxo de la urbo, kiel logxatejo kaj antauxurbo; kaj la urbo estos en la mezo.

¹⁶Jen estas gxiaj dimensioj: la norda rando havos kvar mil kvincent, la suda rando kvar mil kvincent, la orienta rando kvar mil kvincent, kaj la okcidenta rando kvar mil kvincent.

¹⁷La antauxurbo de la urbo havos norde ducent kvindek, kaj sude ducent kvindek, kaj oriente ducent kvindek, kaj okcidente ducent kvindek.

¹⁸Koncerne la ceteran parton de la longo kontraux la sankta terpeco, nome dek mil oriente kaj dek mil okcidente, kiu trovigxas kontraux la sankta terpeco, gxiaj produktajxoj devas servi kiel mangxajxo por la laboristoj de la urbo.

¹⁹En la urbo laboros laboristoj el cxiuj triboj de Izrael.

²⁰La tuta apartigita terpeco devas havi dudek kvin mil kontraux dudek kvin mil; kvaronon de la sankta terpeco apartigu kiel posedajxon de la urbo.

²¹Kio restas de la sanktigita terpeco kaj de la posedajxo de la urbo, de la dudek kvin mil, apartigitaj oriente kaj okcidente, kontraux tiuj partoj, tio apartenu al la princo; kaj la sankta terpeco kaj la sankta domo estos en la mezo.

²²Kio trovigxas inter la apartenajxo de la Levidoj kaj la apartenajxo de la urbo, inter la limo de Jehuda kaj la limo de Benjamen, tio apartenu al la princo.

²³La ceteraj triboj de la rando orienta gxis la rando okcidenta: Benjamen havos unu parton.

²⁴Apud la limo de Benjamen, de la orienta rando gxis la okcidenta, havos sian parton Simeon.

²⁵Apud la limo de Simeon, de la orienta rando gxis la okcidenta, havos sian parton Isahxar.

²⁶Apud la limo de Isahxar, de la orienta rando gxis la okcidenta, havos sian parton Zebulun.

²⁷Apud la limo de Zebulun, de la orienta rando gxis la okcidenta, havos sian parton Gad.

²⁸Apud la limo de Gad, cxe la rando suda, estos la limo de Tamar gxis la Akvo de Malpaco apud Kadesx, lauxlonge de la torento gxis la Granda Maro.

²⁹Tio estas la lando, kiun vi lote dividos kiel heredan posedajxon al la triboj de Izrael, kaj tio estas iliaj partoj, diras la Sinjoro, la Eternulo.

³⁰Kaj jen estas la randoj de la urbo: sur la norda flanko kvar mil kvincent mezurstangoj;

³¹kaj la pordegoj de la urbo estos nomataj laux la nomoj de la triboj de Izrael; tri pordegoj norde: unu Pordego de Ruben, unu Pordego de Jehuda, unu Pordego de Levi.

³²Ankaux sur la orienta flanko kvar mil kvincent mezurstangoj; kaj tri pordegoj: unu Pordego de Jozef, unu Pordego de Benjamen, unu Pordego de Dan.

³³Ankaux sur la suda flanko kvar mil kvincent mezurstangoj; kaj tri pordegoj: unu Pordego de Simeon, unu Pordego de Isahxar, unu Pordego de Zebulun.

³⁴Ankaux sur la okcidenta flanko kvar mil kvincent; pordegojn gxi havas tri: unu Pordego de Gad, unu Pordego de Asxer, unu Pordego de Naftali.

³⁵La tuta cxirkauxo havas dek ok mil. Kaj la nomo de la urbo de post tiu tago estos: Eternulo-Tie.