Read La Sankta Biblio, sen Ĉapelo esparanto Jona 4 Bible Online

Jona 4 - La Sankta Biblio, sen Ĉapelo esparanto bible

Jona 4

¹Tio tre forte cxagrenis Jonan, kaj li ekkoleris.

²Kaj li ekpregxis al la Eternulo, kaj diris: Ho Eternulo, tion mi ja diris, kiam mi estis ankoraux en mia lando; kaj tial mi preferis forkuri en Tarsxisxon, cxar mi sciis, ke Vi estas Dio indulgema kaj kompatema, longepacienca kaj tre favorkora, kaj bedauxras malbonon.

³Nun, ho Eternulo, volu forpreni de mi mian animon; cxar pli bone por mi estas morti, ol vivi.

⁴La Eternulo diris: Cxu vi havas grandan cxagrenon?

⁵Jona eliris el la urbo, sidigxis oriente de la urbo, faris al si tie lauxbon, kaj sidigxis sub gxi en la ombro, gxis li vidos, kio estos kun la urbo.

⁶Dume Dio, la Eternulo, pretigis hederon, kaj gxi elkreskis super lian kapon, por ke li havu ombron super sia kapo kaj liberigxu el sia suferado. Kaj Jona forte ekgxojis pro la hedero.

⁷Sed kiam levigxis la matenrugxo de la sekvanta tago, Dio aperigis vermon, kiu difektis la hederon, kaj gxi forvelkis.

⁸Kaj kiam ekbrilis la suno, Dio aperigis bruligan orientan venton, kaj la suno turmentis la kapon de Jona tiel, ke li senfortigxis kaj petis por si morton; li diris: Pli bone por mi estas morti, ol vivi.

⁹Tiam Dio diris al Jona: Cxu vi havas grandan cxagrenon pro la hedero? Li respondis: Mi havas grandan cxagrenon, ecx gxis deziro al morto.

¹⁰La Eternulo tiam diris: Vi domagxas la hederon, pri kiu vi ne laboris kaj kiun vi ne edukis, kiu dum unu nokto elkreskis kaj dum unu nokto pereis;

¹¹kaj cxu Mi povus ne domagxi Nineven, la grandan urbon, en kiu trovigxas pli ol cent dudek mil homoj, ne povantaj distingi inter sia dekstra mano kaj sia maldekstra, kaj krom tio multe da brutoj?