Read La Sankta Biblio, sen Ĉapelo esparanto Nombroj 1 Bible Online

Nombroj 1 - La Sankta Biblio, sen Ĉapelo esparanto bible

Nombroj 1

¹Kaj la Eternulo ekparolis al Moseo en la dezerto Sinaj en la tabernaklo de kunveno en la unua tago de la dua monato de la dua jaro post ilia eliro el la lando Egipta, dirante:

²Prikalkulu la tutan komunumon de la Izraelidoj laux iliaj familioj, laux iliaj patrodomoj, laux la nombro de la nomoj de cxiuj virseksuloj lauxkape.

³De la agxuloj de dudek jaroj kaj pli, cxiujn, kiuj tauxgas por milito en Izrael, prikalkulu ilin laux iliaj tacxmentoj, vi kaj Aaron.

⁴Kaj kun vi estu po unu homo el cxiu tribo, homo, kiu estas cxefo en sia patrodomo.

⁵Kaj jen estas la nomoj de la viroj, kiuj staros kun vi: de Ruben staru Elicur, filo de Sxedeur;

⁶de Simeon, Sxelumiel, filo de Curisxadaj;

⁷de Jehuda, Nahxsxon, filo de Aminadab;

⁸de Isahxar, Netanel, filo de Cuar;

⁹de Zebulun, Eliab, filo de Hxelon;

¹⁰de la filoj de Jozef: de Efraim, Elisxama, filo de Amihud; de Manase, Gamliel, filo de Pedacur;

¹¹de Benjamen, Abidan, filo de Gideoni;

¹²de Dan, Ahxiezer, filo de Amisxadaj;

¹³de Asxer, Pagiel, filo de Ohxran;

¹⁴de Gad, Eljasaf, filo de Deuel;

¹⁵de Naftali, Ahxira, filo de Enan.

¹⁶Tio estas la distingitoj el la komunumo, la estroj de la triboj de siaj patroj, la cxefoj de la miloj de Izrael.

¹⁷Kaj Moseo kaj Aaron prenis tiujn virojn, cititajn laux iliaj nomoj.

¹⁸Kaj la tutan komunumon ili kunvenigis en la unua tago de la dua monato; kaj la kunvenintoj legitimis sin laux siaj familioj, laux siaj patrodomoj, laux la nombroj de la nomoj, de la agxuloj de dudek jaroj kaj pli, lauxkape,

¹⁹kiel la Eternulo ordonis al Moseo. Kaj li prikalkulis ilin en la dezerto Sinaj.

²⁰Kaj montrigxis, ke la filoj de Ruben, la unuenaskito de Izrael, laux sia deveno, laux siaj familioj, laux siaj patrodomoj, laux la nombro da nomoj lauxkape, cxiuj virseksuloj en la agxo de dudek jaroj kaj pli, cxiuj militkapablaj,

²¹prezentis en la tribo de Ruben la nombron de kvardek ses mil kvincent.

²²La filoj de Simeon laux sia deveno, laux siaj familioj, laux siaj patrodomoj, kalkulitaj laux la nombro da nomoj lauxkape, cxiuj virseksuloj en la agxo de dudek jaroj kaj pli, cxiuj militkapablaj,

²³prezentis en la tribo de Simeon la nombron de kvindek naux mil tricent.

²⁴La filoj de Gad laux sia deveno, laux siaj familioj, laux siaj patrodomoj, laux la nombro da nomoj, en la agxo de dudek jaroj kaj pli, cxiuj militkapablaj,

²⁵prezentis en la tribo de Gad la nombron de kvardek kvin mil sescent kvindek.

²⁶La filoj de Jehuda laux sia deveno, laux siaj familioj, laux siaj patrodomoj, laux la nombro da nomoj, en la agxo de dudek jaroj kaj pli, cxiuj militkapablaj,

²⁷prezentis en la tribo de Jehuda la nombron de sepdek kvar mil sescent.

²⁸La filoj de Isahxar laux sia deveno, laux siaj familioj, laux siaj patrodomoj, laux la nombro da nomoj, en la agxo de dudek jaroj kaj pli, cxiuj militkapablaj,

²⁹prezentis en la tribo de Isahxar la nombron de kvindek kvar mil kvarcent.

³⁰La filoj de Zebulun laux sia deveno, laux siaj familioj, laux siaj patrodomoj, laux la nombro da nomoj, en la agxo de dudek jaroj kaj pli, cxiuj militkapablaj,

³¹prezentis en la tribo de Zebulun la nombron de kvindek sep mil kvarcent.

³²La filoj de Jozef, la filoj de Efraim laux sia deveno, laux siaj familioj, laux siaj patrodomoj, laux la nombro da nomoj, en la agxo de dudek jaroj kaj pli, cxiuj militkapablaj,

³³prezentis en la tribo de Efraim la nombron de kvardek mil kvincent.

³⁴La filoj de Manase laux sia deveno, laux siaj familioj, laux siaj patrodomoj, laux la nombro da nomoj, en la agxo de dudek jaroj kaj pli, cxiuj militkapablaj,

³⁵prezentis en la tribo de Manase la nombron de tridek du mil ducent.

³⁶La filoj de Benjamen laux sia deveno, laux siaj familioj, laux siaj patrodomoj, laux la nombro da nomoj, en la agxo de dudek jaroj kaj pli, cxiuj militkapablaj,

³⁷prezentis en la tribo de Benjamen la nombron de tridek kvin mil kvarcent.

³⁸La filoj de Dan laux sia deveno, laux siaj familioj, laux siaj patrodomoj, laux la nombro da nomoj, en la agxo de dudek jaroj kaj pli, cxiuj militkapablaj,

³⁹prezentis en la tribo de Dan la nombron de sesdek du mil sepcent.

⁴⁰La filoj de Asxer laux sia deveno, laux siaj familioj, laux siaj patrodomoj, laux la nombro da nomoj, en la agxo de dudek jaroj kaj pli, cxiuj militkapablaj,

⁴¹prezentis en la tribo de Asxer la nombron de kvardek unu mil kvincent.

⁴²La filoj de Naftali laux sia deveno, laux siaj familioj, laux siaj patrodomoj, laux la nombro da nomoj, en la agxo de dudek jaroj kaj pli, cxiuj militkapablaj,

⁴³prezentis en la tribo de Naftali la nombron de kvindek tri mil kvarcent.

⁴⁴Tio estas la kalkulitoj, kiujn kalkulis Moseo kaj Aaron kaj la princoj de Izrael, dek du homoj, po unu el cxiu patrodomo.

⁴⁵Kaj la nombro de cxiuj kalkulitoj el la Izraelidoj laux iliaj patrodomoj, en la agxo de dudek jaroj kaj pli, cxiuj militkapablaj en Izrael,

⁴⁶la nombro de cxiuj kalkulitoj estis sescent tri mil kvincent kvindek.

⁴⁷Sed la Levidoj laux sia patrodomo ne estis kalkulitaj inter ili.

⁴⁸Cxar la Eternulo ekparolis al Moseo, dirante:

⁴⁹Nur la tribon de Levi ne prikalkulu, kaj ne metu ilian nombron mezen de la Izraelidoj.

⁵⁰Sed vi komisiu al la Levidoj la tabernaklon de atesto kaj cxiujn gxiajn objektojn, kaj cxion, kio apartenas al gxi; ili portadu la tabernaklon kaj cxiujn gxiajn objektojn, kaj ili priservu gxin, kaj cxirkaux la tabernaklo ili starigu siajn tendojn.

⁵¹Kaj kiam la tabernaklo devos forlasi sian lokon, tiam la Levidoj gxin levu; kaj kiam la tabernaklo devos resti sur loko, tiam la Levidoj gxin starigu; sed se laiko alproksimigxos, li estu mortigita.

⁵²Kaj la Izraelidoj arangxos sin cxiu en sia tendaro kaj cxiu apud sia standardo, laux siaj tacxmentoj.

⁵³Sed la Levidoj starigu siajn tendojn cxirkaux la tabernaklo de atesto, por ke ne trafu kolero la komunumon de la Izraelidoj; kaj la Levidoj plenumos la gardadon de la tabernaklo de atesto.

⁵⁴Kaj tiel faris la Izraelidoj; konforme al cxio, kion la Eternulo ordonis al Moseo, tiel ili faris.