Read La Sankta Biblio, sen Ĉapelo esparanto Nombroj 10 Bible Online

Nombroj 10 - La Sankta Biblio, sen Ĉapelo esparanto bible

Nombroj 10

¹Kaj la Eternulo ekparolis al Moseo, dirante:

²Faru al vi du argxentajn trumpetojn, forgxitaj faru ilin; kaj ili servu al vi por kunvokado de la komunumo kaj por elmovigxado de la tendaroj.

³Kiam oni simple trumpetos per ili, tiam kolektigxu al vi la tuta komunumo antaux la pordo de la tabernaklo de kunveno.

⁴Kaj se oni trumpetos per unu el ili, tiam kolektigxu al vi la princoj, la milestroj de Izrael.

⁵Kaj kiam vi trumpetos tambursone, tiam elmovigxu la tendaroj, kiuj staras oriente.

⁶Kaj kiam vi trumpetos tambursone duan fojon, tiam elmovigxu la tendaroj, kiuj staras sude; oni trumpetu tambursone, kiam ili devos elmovigxi.

⁷Sed kiam oni devas kunvenigi la komunumon, tiam trumpetu simple, sed ne tambursone.

⁸Kaj la filoj de Aaron, la pastroj, trumpetu per la trumpetoj; tio estu por vi legxo eterna en viaj generacioj.

⁹Kaj kiam vi komencos militon en via lando kontraux malamiko, kiu premas vin, tiam trumpetu tambursone per trumpetoj; kaj tiam vi estos rememoritaj antaux la Eternulo, via Dio, kaj vi estos helpitaj kontraux viaj malamikoj.

¹⁰Kaj en la tago de via gxojo kaj en viaj festoj kaj en viaj novmonataj tagoj trumpetu per trumpetoj cxe viaj bruloferoj kaj cxe viaj pacoferoj; kaj tio estos memorigo pri vi antaux via Dio: Mi estas la Eternulo, via Dio.

¹¹En la dua jaro, en la dua monato, en la dudeka tago de la monato, levigxis la nubo de super la tabernaklo de atesto.

¹²Kaj elmovigxis la Izraelidoj en sian vojiron el la dezerto Sinaj, kaj la nubo haltis en la dezerto Paran.

¹³Kaj ili elmovigxis la unuan fojon konforme al la ordono de la Eternulo per Moseo.

¹⁴Kaj unue elmovigxis la standardo de la tendaro de la Jehudaidoj laux iliaj tacxmentoj, kaj super gxia tacxmento estis Nahxsxon, filo de Aminadab.

¹⁵Kaj super la tacxmento de la tribo de la Isahxaridoj estis Netanel, filo de Cuar.

¹⁶Kaj super la tacxmento de la tribo de la Zebulunidoj estis Eliab, filo de Hxelon.

¹⁷Kaj oni dismetis la tabernaklon, kaj elmovigxis la filoj de Gersxon kaj la filoj de Merari, portantaj la tabernaklon.

¹⁸Kaj elmovigxis la standardo de la tendaro de Ruben laux iliaj tacxmentoj, kaj super gxia tacxmento estis Elicur, filo de Sxedeur.

¹⁹Kaj super la tacxmento de la tribo de la Simeonidoj estis Sxelumiel, filo de Curisxadaj.

²⁰Kaj super la tacxmento de la tribo de la Gadidoj estis Eljasaf, filo de Deuel.

²¹Kaj elmovigxis la Kehatidoj, portantaj la sanktajxojn; sed oni starigis la tabernaklon antaux ilia alveno.

²²Kaj elmovigxis la standardo de la tendaro de la Efraimidoj laux iliaj tacxmentoj, kaj super gxia tacxmento estis Elisxama, filo de Amihud.

²³Kaj super la tacxmento de la tribo de la Manaseidoj estis Gamliel, filo de Pedacur.

²⁴Kaj super la tacxmento de la tribo de la Benjamenidoj estis Abidan, filo de Gideoni.

²⁵Kaj elmovigxis la standardo de la tendaro de la Danidoj, la finulo de cxiuj tendaroj, laux iliaj tacxmentoj, kaj super gxia tacxmento estis Ahxiezer, filo de Amisxadaj.

²⁶Kaj super la tacxmento de la tribo de la Asxeridoj estis Pagiel, filo de Ohxran.

²⁷Kaj super la tacxmento de la tribo de la Naftaliidoj estis Ahxira, filo de Enan.

²⁸Tiaj estis la marsxoj de la Izraelidoj laux iliaj tacxmentoj. Kaj ili elmovigxis.

²⁹Kaj Moseo diris al Hxobab, filo de Reuel la Midjanido, la bopatro de Moseo: Ni vojiras al tiu loko, pri kiu la Eternulo diris: Gxin Mi donos al vi; iru kun ni, kaj ni faros al vi bonon, cxar la Eternulo promesis bonon al Izrael.

³⁰Sed tiu diris al li: Mi ne iros, sed al mia lando kaj al mia parencaro mi iros.

³¹Kaj li diris: Ho, ne forlasu nin; cxar vi scias, kie ni povas starigi tendaron en la dezerto, kaj vi estos por ni kiel okuloj;

³²se vi iros kun ni, tiam la bonon, kiun la Eternulo faros al ni, ni faros al vi.

³³Kaj ili ekvojiris for de la monto de la Eternulo vojon de tri tagoj; kaj la kesto de la interligo de la Eternulo iris antaux ili la tritagan vojon, por esplori por ili lokon de ripozo.

³⁴Kaj la nubo de la Eternulo estis super ili dum la tago, kiam ili iris el la tendaro.

³⁵Kaj cxiufoje, kiam la kesto elmovigxis, Moseo diradis: Levigxu, ho Eternulo, kaj disjxetigxu Viaj malamikoj, kaj forkuru Viaj malamantoj for de Via vizagxo.

³⁶Kaj kiam gxi haltis, li diradis: Revenu, ho Eternulo, al la multegaj miloj de Izrael.