Read La Sankta Biblio, sen Ĉapelo esparanto Mateo 21 Bible Online

Mateo 21 - La Sankta Biblio, sen Ĉapelo esparanto bible

Mateo 21

¹Kaj kiam ili alproksimigxis al Jerusalem, kaj venis al Betfage, al la monto Olivarba, tiam Jesuo sendis du discxiplojn,

²dirante al ili: Iru en la vilagxon, kiu estas kontraux vi, kaj vi tuj trovos azeninon ligitan, kaj azenidon kun gxi. Ilin malligu kaj alkonduku al mi.

³Kaj se iu diros ion al vi, respondu: La Sinjoro bezonas ilin; kaj tuj li sendos ilin.

⁴Kaj cxi tio okazis, por ke plenumigxu tio, kio estis dirita per la profeto, nome:

⁵Diru al la filino de Cion: Jen via Regxo iras al vi, Humila kaj rajdanta sur azeno, Kaj azenido, filo de sxargxobesto.

⁶Kaj la discxiploj iris, kaj faris, kiel Jesuo ordonis al ili,

⁷kaj alkondukis la azeninon kaj la azenidon, kaj surmetis sur ilin siajn vestojn; kaj li sidis sur tion.

⁸Kaj la pli granda parto de la homamaso sternis siajn vestojn sur la vojo; kaj aliaj detrancxis brancxojn de la arboj, kaj dismetis ilin sur la vojon.

⁹Kaj la homamaso, kiu iris antaux li, kaj kiu sekvis lin, kriis, dirante: Hosana al la Filo de David! Estu benata tiu, kiu venas en la nomo de la Eternulo; Hosana en la supera alto!

¹⁰Kaj li eniris en Jerusalemon, kaj la tuta urbo malkvietigxis, dirante: Kiu estas cxi tiu?

¹¹Kaj la homamasoj diris: Cxi tiu estas la profeto, Jesuo el Nazaret en Galileo.

¹²Kaj Jesuo eniris en la templon de Dio, kaj elpelis cxiujn vendantojn kaj acxetantojn en la templo, kaj renversis la tablojn de la monsxangxistoj, kaj la segxojn de la vendantoj de kolomboj;

¹³kaj li diris al ili: Estas skribite: Mia domo estas nomata domo de pregxo; sed vi faris gxin kaverno de rabistoj.

¹⁴Kaj blinduloj kaj lamuloj venis al li en la templo, kaj li sanigis ilin.

¹⁵Sed la cxefpastroj kaj skribistoj, vidinte la mirindajxojn, kiujn li faris, kaj la knabojn kriantajn en la templo, kaj dirantajn: Hosana al la Filo de David, indignis,

¹⁶kaj diris al li: Cxu vi auxdas, kion cxi tiuj diras? Kaj Jesuo diris al ili: Jes; cxu vi neniam legis: El la busxo de junaj infanoj kaj sucxinfanoj Vi perfektigis lauxdon?

¹⁷Kaj lasinte ilin, li eliris el la urbo al Betania, kaj tie logxis.

¹⁸Kaj matene, dum li revenis al la urbo, li malsatis.

¹⁹Kaj vidante figarbon apud la vojo, li iris al gxi, kaj trovis sur gxi nenion krom folioj; kaj li diris al gxi: Ne plu estu frukto sur vi por eterne. Kaj tuj la figarbo forvelkis.

²⁰Kaj kiam la discxiploj vidis, ili miris, dirante: Kiel rapide la figarbo forvelkis!

²¹Kaj Jesuo responde diris al ili: Vere mi diras al vi: Se vi havos fidon kaj ne dubos, vi ne nur faros la aferon de la figarbo, sed ecx se vi diros al cxi tiu monto: Estu formovita kaj jxetita en la maron; tio plenumigxos.

²²Kaj cxion, kion vi petos per pregxado, kredante, vi ricevos.

²³Kaj kiam li jam venis en la templon, la cxefpastroj kaj la pliagxuloj de la popolo venis al li, dum li instruis, kaj ili diris: Laux kia auxtoritato vi faras cxi tion? kaj kiu donis al vi tian auxtoritaton?

²⁴Kaj Jesuo responde diris al ili: Mi ankaux faros al vi unu demandon; kaj se vi tion diros al mi, mi ankaux diros al vi, laux kia auxtoritato mi faras cxi tion.

²⁵La baptado de Johano, de kie gxi estis? El la cxielo, aux el homoj? Kaj ili diskutis inter si, dirante: Se ni diros: El la cxielo, li diros al ni: Kial do vi ne kredis al li?

²⁶Sed se ni diros: El homoj, ni timas la popolon, cxar cxiuj opinias Johanon profeto.

²⁷Kaj ili responde diris al Jesuo: Ni ne scias. Li ankaux diris al ili: Kaj mi ne diras al vi, laux kia auxtoritato mi faras cxi tion.

²⁸Kiel sxajnas al vi? Unu viro havis du filojn; kaj li venis al la unua, kaj diris: Filo, iru hodiaux kaj laboru en la vinbergxardeno.

²⁹Kaj li respondis kaj diris: Mi ne volas; sed poste li pentis kaj iris.

³⁰Kaj li venis al la dua, kaj diris tion saman. Kaj li responde diris: Mi iros, sinjoro; kaj ne iris.

³¹Kiu el la du plenumis la volon de la patro? Ili diris: La unua. Jesuo diris al ili: Vere mi diras al vi, ke la impostistoj kaj malcxastistinoj iras antaux vi en la regnon de Dio.

³²Cxar Johano venis al vi en vojo de justeco, kaj vi ne kredis al li; sed la impostistoj kaj malcxastistinoj kredis al li. Kaj vi, kiam vi vidis, ecx ne pentis poste, por kredi al li.

³³Auxskultu alian parabolon: Estis viro dommastro, kiu plantis vinbergxardenon, kaj cxirkauxmetis plektobarilon, kaj fosis en gxi vinpremejon, kaj konstruis turon, kaj luigis gxin al kultivistoj, kaj forvojagxis.

³⁴Kaj kiam alproksimigxis la sezono de fruktoj, li sendis siajn sklavojn al la kultivistoj, por ricevi siajn fruktojn.

³⁵Kaj la kultivistoj, kaptinte liajn sklavojn, skurgxis unu, kaj mortigis alian, kaj sxtonbatis alian.

³⁶Li sendis ankoraux aliajn sklavojn, pli multajn ol la unuaj; kaj ili faris al ili tiel same.

³⁷Sed poste li sendis al ili sian filon, dirante: Ili respektos mian filon.

³⁸Sed la kultivistoj, vidante la filon, diris inter si: Cxi tiu estas la heredonto; venu, ni lin mortigu, kaj prenu lian heredajxon.

³⁹Kaj ili kaptis lin, eljxetis lin el la vinberejo, kaj mortigis lin.

⁴⁰Kiam do venos la sinjoro de la vinberejo, kion li faros al tiuj kultivistoj?

⁴¹Ili diris al li: Tiujn malbonulojn li mizere pereigos, kaj li luigos la vinberejon al aliaj kultivistoj, kiuj donos al li la fruktojn en iliaj sezonoj.

⁴²Jesuo diris al ili: Cxu vi neniam legis en la Skriboj: Sxtono, kiun malsxatis la konstruantoj, Farigxis sxtono bazangula: De la Eternulo cxi tio farigxis, Kaj gxi estas miraklo en niaj okuloj?

⁴³Tial mi diras al vi: La regno de Dio estos prenita for de vi, kaj estos donita al nacio, kiu liveros gxiajn fruktojn.

⁴⁴Kaj kiu falas sur tiun sxtonon, tiu rompigxos; sed sur kiun gxi falos, gxi tiun polvigos.

⁴⁵Kaj la cxefpastroj kaj la Fariseoj, auxdinte liajn parabolojn, komprenis, ke li parolas pri ili.

⁴⁶Kaj celante kapti lin, ili timis la popolon, cxar oni opiniis lin profeto.