Read La Sankta Biblio, sen Ĉapelo esparanto Mateo 22 Bible Online

Mateo 22 - La Sankta Biblio, sen Ĉapelo esparanto bible

Mateo 22

¹Kaj respondante, Jesuo denove parolis al ili parabole, dirante:

²La regno de la cxielo similas al unu regxo, kiu faris edzigxan feston por sia filo,

³kaj sendis siajn sklavojn, por voki la invititojn al la edzigxa festo; kaj ili ne volis veni.

⁴Poste li sendis aliajn sklavojn, dirante: Diru al la invititoj: Jen mi preparis la mangxon; miaj bovoj kaj miaj grasigitaj brutoj estas bucxitaj, kaj cxio estas preta; venu al la edzigxa festo.

⁵Sed ili malatentis, kaj foriris, unu al sia bieno, alia al sia komercado;

⁶kaj la ceteraj, kaptinte liajn sklavojn, perfortis kaj mortigis ilin.

⁷Kaj la regxo koleris; kaj sendinte siajn armeojn, li pereigis tiujn mortigintojn kaj bruligis ilian urbon.

⁸Tiam li diris al siaj sklavoj: La edzigxa festo estas preta, sed la invititoj ne estis indaj.

⁹Iru do al la disirejoj de la vojoj, kaj cxiujn, kiujn vi trovos, invitu al la edzigxa festo.

¹⁰Kaj tiuj sklavoj, elirinte sur la vojojn, kunvenigis cxiujn, kiujn ili trovis, malbonajn kaj bonajn; kaj la edzigxa festo plenigxis de gastoj.

¹¹Sed la regxo, enveninte por rigardi la gastojn, tie vidis viron, kiu ne havis sur si edzigxofestan veston;

¹²kaj li diris al li: Amiko, kiel vi envenis cxi tien, ne havante edzigxofestan veston? Kaj li silentadis.

¹³Tiam la regxo diris al siaj servantoj: Ligu lin mane kaj piede, kaj eljxetu lin en la eksteran mallumon; tie estos la plorado kaj la grincado de dentoj.

¹⁴Cxar multaj estas vokitaj, sed malmultaj estas elektitaj.

¹⁵Tiam iris la Fariseoj, kaj konsiligxis, kiel ili povos impliki lin per interparolado.

¹⁶Kaj ili sendis al li siajn discxiplojn kun la Herodanoj, por diri: Majstro, ni scias, ke vi estas verama, kaj instruas laux vero la vojon de Dio, kaj ne zorgas pri iu ajn; cxar vi ne favoras la personon de homoj.

¹⁷Diru do al ni, kiel sxajnas al vi? cxu konvenas doni tributon al Cezaro, aux ne?

¹⁸Sed Jesuo, sciante ilian ruzecon, diris: Kial vi min provas, hipokrituloj?

¹⁹Montru al mi la tributan moneron. Kaj ili alportis al li denaron.

²⁰Kaj li diris al ili: Kies estas cxi tiu bildo kaj la surskribajxo?

²¹Ili diris al li: De Cezaro. Tiam li diris al ili: Redonu do al Cezaro la proprajxon de Cezaro, kaj al Dio la proprajxon de Dio.

²²Kaj auxdinte, ili miris, kaj lin lasis kaj foriris.

²³En tiu sama tago alvenis al li Sadukeoj, kiuj diras, ke ne estas relevigxo; kaj ili demandis lin, dirante:

²⁴Majstro, Moseo diris: Se iu mortas, ne havante infanojn, lia frato edzigxu kun lia edzino kaj naskigu idaron al sia frato.

²⁵Estis cxe ni sep fratoj; kaj la unua edzigxis kaj mortis, kaj ne havante idaron, lasis sian edzinon al sia frato;

²⁶tiel same ankaux la dua, kaj la tria, gxis la sepa.

²⁷Kaj post cxiuj la virino mortis.

²⁸En la relevigxo do, por kiu el la sep sxi estos edzino? cxar cxiuj sxin havis.

²⁹Sed Jesuo responde diris: Vi eraras, ne sciante la Skribojn, nek la potencon de Dio.

³⁰Cxar en la relevigxo oni nek edzigxas nek edzinigxas, sed estas kiel angxeloj en la cxielo.

³¹Sed pri la relevigxo el la mortintoj, cxu vi ne legis tion, kio estis dirita al vi de Dio, nome:

³²Mi estas la Dio de Abraham kaj la Dio de Isaak kaj la Dio de Jakob? Dio estas Dio ne de la mortintoj, sed de la vivantoj.

³³Kaj kiam la homamaso tion auxdis, ili miregis pro lia instruado.

³⁴Sed la Fariseoj, auxdinte, ke li silentigis la Sadukeojn, kune kolektigxis.

³⁵Kaj unu el ili, legxisto, demandis lin, provante lin:

³⁶Majstro, kiu estas la granda ordono en la legxo?

³⁷Kaj li diris al li: Amu la Eternulon, vian Dion, per via tuta koro kaj per via tuta animo kaj per via tuta menso.

³⁸Cxi tiu estas la granda kaj la unua ordono.

³⁹Kaj dua estas simila al gxi: Amu vian proksimulon kiel vin mem.

⁴⁰De cxi tiuj du ordonoj dependas la tuta legxo kaj la profetoj.

⁴¹Kaj kiam la Fariseoj jam kunvenis, Jesuo ilin demandis,

⁴²dirante: Kion vi pensas pri la Kristo? kies filo li estas? Ili diris al li: De David.

⁴³Li diris al ili: Kial do David, en la Spirito, lin nomas Sinjoro, dirante:

⁴⁴La Eternulo diris al mia Sinjoro: Sidu dekstre de Mi, Gxis Mi faros viajn malamikojn benketo por viaj piedoj?

⁴⁵Se do David nomas lin Sinjoro, kiel li estas lia filo?

⁴⁶Kaj neniu povis respondi unu vorton al li, nek iu post tiu tago plu kuragxis fari al li demandon.